1. Молия / Қимматли қоғозлар. Қимматли қоғозлар бозори]



[ОКОЗ:

1.07.00.00.00 Молия ва кредит тўғрисидаги қонунчилик. Банк фаолияти / 07.24.00.00 Қимматли қоғозлар. Қимматли қоғозлар бозори / 07.24.04.00 Қимматли қоғозлар бозорида касб фаолияти / 07.24.04.12 Қимматли қоғозлар бозорида бошқа фаолият турлари]

[ТСЗ:

1.Молия / Қимматли қоғозлар. Қимматли қоғозлар бозори]

ЎЗБЕКИСТОН РЕСПУБЛИКАСИ ДАВЛАТ МУЛКИ ҚЎМИТАСИ ҲУЗУРИДАГИ ҚИММАТЛИ ҚОҒОЗЛАР БОЗОРИ ФАОЛИЯТИНИ МУВОФИҚЛАШТИРИШ ВА НАЗОРАТ ҚИЛИШ МАРКАЗИ бош директорнинг
буйруғи
Кимматли коғозлар бозорида инвестиция воситачисининг фаолияти тўғрисидаги низомни тасдиқлаш тўғрисида
[Ўзбекистон Республикаси Адлия вазирлиги томонидан 2002 йил 13 мартда 1108-сон билан давлат рўйхатидан ўтказилган]
Ўзбекистон Республикасининг “Қимматли қоғозлар бозори тўғрисида”ги ва “Биржа ва биржа фаолияти тўғрисида”ги Қонунлари, шунингдек, Вазирлар Маҳкамасининг 1996 йил 30 мартдаги 126-сонли қарори билан тасдиқланган Ўзбекистон Республикаси Давлат рақобат қўмитаси ҳузуридаги Қимматли қоғозлар бозорини мувофиқлаштириш ва ривожлантириш маркази тўғрисидаги низомга мувофиқ буюраман:
1. Қимматли қоғозлар бозорида инвестиция воситачиси фаолияти тўғрисидаги низом иловага мувофиқ тасдиқлансин.
2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.
3. Ушбу буйруқ кучга кирган кундан бошлаб 1997 йил 25 мартда Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази томонидан тасдиқланган Инвестиция воситачилари тўғрисидаги низом (рўйхат рақами 326, 2 апрель 1997 йил), шунингдек 2000 йил 20 октябрдаги 10-2000-сонли (10.11.2001 йилдаги рўйхат рақами 326-1), Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази томонидан тасдиқланган Инвестиция воситачилари тўғрисидаги низомга 1-сонли ўзгартириш ва қўшимчалар ўз кучини йўқотган деб тан олинсин.
Бош директор М.С. ЮНУСМАТОВ
Тошкент ш.,
2002 йил 7 февраль,
2002-01-сон
Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази бош директорининг 2002 йил 7 февралдаги 2002-1-сонли буйруғига
ИЛОВА
Қимматли қоғозлар бозорида инвестиция воситачисининг фаолияти тўғрисида
НИЗОМ
Ушбу Низом Ўзбекистон Республикасининг Фуқаролик кодекси, Ўзбекистон Республикаси “Қимматли қоғозлар бозори тўғрисида”ги Қонуни ва Ўзбекистон Республикаси Вазирлар Маҳкамасининг 1994 йил 8 июндаги 285-сонли «Тошкент» Республика фонд биржасининг самарали фаолият кўрсатишини ва қимматли қоғозлар бозори инфраструктурасини ривожлантириш бўйича чора-тадбирлари тўғрисидаги қарори билан қимматли қоғозлар бозорида инвестиция воситачиларининг фаолиятини тартибга солади.