1. Moliya / Banklar va boshqa kredit muassasalari. Kreditlar

10809 O‘zRMBning obligatsiyalari va boshqa qarz qimmatli qog‘ozlari

Hisobvaraqning ta’rifi: sotib olingan va sotishga mo‘ljallangan qimmatli qog‘ozlar sifatida tasniflangan O‘zRMBining obligatsiyalari va boshqa qarz qimmatli qog‘ozlarining hisobi yuritiladi.

Hisobvaraqning debetida sotib olingan hamda Markaziy bank me’yoriy hujjatlariga asosan qayta tasniflangan va boshqa mos hisobvaraqlardan ushbu hisobvaraqda o‘tkazilgan O‘zRMB obligatsiyalari va boshqa qarz qimmatli qog‘ozlarining nominal qiymati aks ettiriladi.

Hisobvaraqning kreditida hisobdan chiqarilgan va/yoki Markaziy bank me’yoriy hujjatlariga asosan qayta tasniflangan va boshqa mos hisobvaraqlarga o‘tkazilgan O‘zRMB obligatsiyalari va boshqa qarz qimmatli qog‘ozlarining nominal qiymati aks ettiriladi.

Tahliliy hisob O‘zRMBning obligatsiyalari va boshqa qarz qimmatli qog‘ozlari turi va muddatlari bo‘yicha alohida shaxsiy hisobvaraqlarda olib boriladi.