1. Moliya / Banklar va boshqa kredit muassasalari. Kreditlar

95409 Qarzdorga bildirilgan da’volar bo‘yicha olinadigan mablag‘lar
Hisobvaraqning ta’rifi: garovga olingan mol-mulkning qarzdorlarga/debitorlarga berilgan kreditning to‘lanmagan summasi bilan solishtirilgandagi kam chiqqan qiymati natijasida qarzdorlarga/debitorlarga bildirilgan da’volar bo‘yicha olinadigan mablag‘lar hisobi olib boriladi. Ushbu hisobvaraq uchun 96397 — “Boshqa ko‘zda tutilmagan holatlar hisobvaraqlari bo‘yicha kontr-hisobvaraq” kontr-hisobvaraq hisoblanadi.
Hisobvaraqning debetida garovga olingan mol-mulkning berilgan kreditning to‘lanmagan summasi bilan solishtirilgandagi kam chiqqan qiymati natijasida qarzdorlarga/debitorlarga bildirilgan da’volar bo‘yicha olinadigan mablag‘lar aks ettiriladi.
Hisobvaraqning kreditida kredit qarzlari bo‘yicha qarzdorlarga/debitorlarga bildirilgan da’volar asosida undirib olingan mablag‘lar summasi yoki o‘rnatilgan tartibga muvofiq ravishda hisobdan chiqarilgan qarzlar summasi aks ettiriladi.
Tahliliy hisob qarzdorlar/debitorlar bo‘yicha alohida shaxsiy hisobvaraqlarda olib boriladi.
95411 Olinishi lozim bo‘lgan qimmatli qog‘ozlar bo‘yicha hisoblangan foizlar
Hisobvaraqning ta’rifi: muddatida to‘lanmagan qimmatli qog‘ozlar bo‘yicha va sud jarayonidagi qimmatli qog‘ozlar bo‘yicha olinishi lozim bo‘lgan hisoblangan foizlar hisobi olib boriladi. Ushbu hisobvaraq uchun 96333 — “Olinishi lozim bo‘lgan qimmatli qog‘ozlar bo‘yicha hisoblangan foizlar kontr-hisobvarag‘i” kontr-hisobvaraq hisoblanadi.
Hisobvaraqning debetida muddatida to‘lanmagan qimmatli qog‘ozlar bo‘yicha, shuningdek sud jarayonidagi qimmatli qog‘ozlar bo‘yicha olinishi lozim bo‘lgan hisoblangan foizlar aks ettiriladi.
Hisobvaraqning kreditida muddatida to‘lanmagan qimmatli qog‘ozlar bo‘yicha, shuningdek sud jarayonidagi qimmatli qog‘ozlar bo‘yicha undirib olingan foizlar summasi aks ettiriladi.
Tahliliy hisob qimmatli qog‘ozlar emitentlari va turi bo‘yicha alohida shaxsiy hisobvaraqlarda olib boriladi.
95413 Hisobdan chiqarilgan kreditlar va lizinglar
Hisobvaraqning ta’rifi: amaldagi qoidalarga muvofiq ravishda bank balansidan hisobdan chiqarilgan kreditlar vayoki lizinglar (to‘lanmagan qismi)ning hisobi olib boriladi. Ushbu hisobvaraq uchun 96397 — “Boshqa ko‘zda tutilmagan holatlar hisobvaraqlari bo‘yicha kontr-hisobvaraq” kontr-hisobvaraq hisoblanadi.
Hisobvaraqning debetida hisobdan chiqarilgan kredit va lizinglar summasi aks ettiriladi.
Hisobvaraqning kreditida qayta tiklangan yoki to‘langan kreditlar vayoki lizinglarning, shuningdek o‘rnatilgan muddati o‘tishi bilan bekor qilingan kreditlar vayoki lizinglarning summasi aks ettiriladi.
Tahliliy hisob har bir qarzdor bo‘yicha kredit shartnomalariga qarab alohida shaxsiy hisobvaraqlarda olib boriladi.