1. Moliya / Banklar va boshqa kredit muassasalari. Kreditlar

44900 Boshqa foizli daromadlar
44901 Boshqa foizli daromadlar
Hisobvaraqning ta’rifi: yuqorida ta’riflangan tasnif hisobvaraqlariga mos tushmaydigan mijozlarning majburiyatlari bo‘yicha bankning foizli daromadlari hisobi olib boriladi.
Hisobvaraqning kreditida mijozlarning boshqa majburiyatlari bo‘yicha olinishi lozim bo‘lgan ishlab topilgan foizli daromadlar summasi aks ettiriladi
Hisobvaraqvishg debetida noto‘g‘ri hisoblangan yoki olingan daromadlarning qaytarish summasi, shuningdek moliyaviy hisobot yilining oxirida bankning moliyaviy natijasi sifatida 31206 — “Sof foyda (zarar) (aktiv-passiv)” hisobvarag‘iga o‘tkaziladigan daromadlar summasi aks ettiriladi.
44903 Jamg‘arib boriladigan pensiya tizimi mablag‘larini investitsiya qilishdan marja
Hisobvaraqning ta’rifi: jamg‘arib boriladigan pensiya tizimi mablag‘larini investitsiya qilishdan olingan va miqdori qonunchilikka muvofiq aniqlanadigan marja hisobi yuritiladi.
Hisobvaraqning kreditida ishlab topilgan daromad (marja) summasi aks ettiriladi.
Hisobvaraqning debetida noto‘g‘ri hisoblangan daromadning qaytarilgan summasi hamda moliyaviy hisobot yilining oxirida bankning moliyaviy natijasi sifatida 31206 — “Sof foyda (zarar) (aktiv-passiv)” hisobvarag‘iga o‘tkaziladigan daromad summasi aks ettiriladi.
44905 Bosh bank/filialga taqdim etilgan resurslar bo‘yicha foizli daromadlar
Hisobvaraqning ta’rifi: Bosh bank/filialga taqdim etilgan resurslar bo‘yicha foizli daromadlar hisobi olib boriladi.
Hisobvaraqning kreditida Bosh bank/filialga taqdim etilgan resurslar bo‘yicha olinishi lozim bo‘lgan ishlab topilgan foizli daromadlar summasi aks ettiriladi.
Hisobvaraqning debetida noto‘g‘ri hisoblangan yoki to‘langan foizlarning qaytarilgan summasi, shuningdek moliyaviy hisobot yilining oxirida moliyaviy natija sifatida 31206 — “Sof foyda (zarar) (aktiv-passiv)” hisobvarag‘iga yopiladigan daromad summasi aks ettiriladi.
45000 Qimmatli qog‘ozlar bilan amalga oshirilgan repo bitimlari bo‘yicha foizli daromadlar