1. Moliya / Banklar va boshqa kredit muassasalari. Kreditlar

45245 Sindikat kreditlarda qatnashganlik uchun olingan daromadlar
Hisobvaraqning ta’rifi: bank bosh anderrayting (kafolatchi) hisoblanmaydigan, sindikat kreditlarda qatnashganidan daromadlar summasi hisobi olib boriladi.
Hisobvaraqning kreditida sindikat kreditlarda qatnashganligi natijasida ishlab topilgan daromadlar summasi aks ettiriladi.
Hisobvaraqning debetida noto‘g‘ri olingan daromadlarning qaytarilish summasi, shuningdek moliyaviy hisobot yilining oxirida bankning moliyaviy natijasi sifatida 31206 — “Sof foyda (zarar) (aktiv-passiv)” hisobvarag‘iga o‘tkaziladigan daromadlar summasi aks ettiriladi.
45249 To‘lovlar bo‘yicha vositachilik xizmatlari uchun olingan daromadlar — Mahalliy
Hisobvaraqning ta’rifi: mahalliy to‘lovlar (mahalliy trattalar, cheklar va boshqalar)ni amalga oshirishda mijozlarga ko‘rsatilgan xizmatlar yuzasidan bankning olgan vositachilik daromadlari hisobi olib boriladi
Hisobvaraqning kreditida mahalliy to‘lovlar bo‘yicha ishlab topilgan daromadlar summasi aks ettiriladi.
Hisobvaraqning debetida noto‘g‘ri olingan daromadlarning qaytarilish summasi, shuningdek moliyaviy hisobot yilining oxirida bankning moliyaviy natijasi sifatida 31206 — “Sof foyda (zarar) (aktiv-passiv)” hisobvarag‘iga o‘tkaziladigan daromadlar summasi aks ettiriladi.
45253 To‘lovlar bo‘yicha vositachilik xizmatlari uchun olingan daromadlar -Xorijiy
Hisobvaraqning ta’rifi: xorijiy to‘lovlar (xalqaro pul o‘tkazmalari, xorijiy trattalar, yul cheklari va boshqalar)ni amalga oshirishda mijozlarga ko‘rsatilgan xizmatlar yuzasidan bankning vositachilik daromadlari hisobi olib boriladi
Hisobvaraqning kreditida xorijiy to‘lovlar bo‘yicha ishlab topilgan daromadlar summasi aks ettiriladi.
Hisobvaraqning debetida noto‘g‘ri olingan daromadlarning qaytarilish summasi, shuningdek moliyaviy hisobot yilining oxirida bankning moliyaviy natijasi sifatida 31206 — “Sof foyda (zarar) (aktiv-passiv)” hisobvarag‘iga o‘tkaziladigan daromadlar summasi aks ettiriladi.