1. Молия / Банклар ва бошқа кредит муассасалари. Кредитлар

56300 Хизмат сафари ва транспорт харажатлари
56302 Хизмат сафари харажатлари
56306 Яшаш харажатлар
56310 Фрахт харажатлар
56314 Ёқилғи
Юқорида кўрсатилган баланс ҳисобварақлари хусусияти бўйича бир хил бўлганлиги учун уларнинг таърифланиши умумлаштирилиб берилмоқда.
Ҳисобварақнинг таърифи: банк ходимларнинг хизмат сафари билан боғлиқ (транспорт (хизмат сафари харажатлари), меҳмонхона хизмати (яшаш учун бошқа хизматлар) қиймати ва лимит доирасидаги кунлик харажатлар; фрахт (банк офислари ўртасида жиҳозлар ва бошқа мулкларни кўчириш) харажатлари, хусусий ва ижарага олинган ҳаракат воситалари учун фойдаланиладиган ёқилги харажатлари, шунингдек ўрнатилган тартибга мувофиқ равишда хизмат сафари учун фойдаланиладиган банк ходимларининг шахсий автомобиллари учун харажатлар ҳисоби олиб борилади.
Ҳисобварақнинг дебетида хизмат сафари ва транспорт учун қилинган харажатлар суммаси акс эттирилади.
Ҳисобварақнинг кредитида нотўғри тўланган харажатларнинг қайтарилиш суммаси, шунингдек молиявий ҳисобот йилининг охирида банк молиявий натижаси сифатида 31206 — «Соф фойда (зарар) (актив-пассив)» ҳисобвараққа ўтказиладиган сумма акс эттирилади.
56400 Маъмурий харажатлар
56402 Реклама ва эълон харажатлари
56406 Девонхона, офис ва бошқа буюмлар харажатлари
56410 Почта, телефон, факс
56414 Ҳужжат маркалари учун харажатлар
56418 Китоб, газета ва бошқа даврий нашриётлар бўйича харажатлар
Юқорида кўрсатилган баланс ҳисобварақлари хусусияти бўйича бир хил бўлганлиги учун уларнинг таърифи умумлаштирилиб берилмоқда.
Ҳисобварақнинг таърифи: банкнинг газета, радио, телевидение ва бошқа ахборот воситалари орқали берадиган реклама ва эълонларига, бланкаларга, девонхона ва офис қуролларига, почта ва ҳужжат маркаларига, телефон ва факс, маълумотларни узатиш учун бошқа алоқа каналлари (Reuters, SWIFT, Internet, телекс ва бошқалар)дан фойдаланиш харажатлари, шунингдек даврий нашрларга, шу билан бирга электрон билдиргичи («PRAVO» тизими ва бошқалар)га қилинган харажатлар ҳисоби олиб борилади.
Ҳисобварақнинг дебетида маъмурий харажатларга тўланган суммалар акс эттирилади.
Ҳисобварақнинг кредитида нотўғри тўланган харажатларнинг қайтарилиш суммаси, шунингдек молиявий ҳисобот йилининг охирида банк молиявий натижаси сифатида 31206 — «Соф фойда (зарар) (актив-пассив)» ҳисобвараққа ўтказиладиган сумма акс эттирилади.