1 may Toshkentda "Favvoralar kuni" sifatida nishonlanadi

1 may Toshkentda "Favvoralar kuni" sifatida nishonlanadi

25 апрел 2014

O‘zbekistondagi internet nashrlari xabariga ko‘ra, bundan buyon Toshkentda har yili 1 may yoshlar uchun ommaviy madaniy tadbirlar o‘tkazilib, u "favvoralar kuni" deb nomlanadi.

Bu haqda O‘zbekiston Vazirlar mahkamasi 23 aprelda qaror chiqargan.

Loyihaga ko‘ra, 1 mayda Toshkentdagi favvoralar oldida madaniy tadbirlar, san‘at va adabiyot vakillari bilan uchrashuvlar tashkil qilinishi kerak.

Ushbu g‘oya "Kamolot" yoshlar harakati, Madaniyat vazirligi, Toshkent hokimiyati va Respublika Ma‘naviyat markazi tomonidan taqdim etilgani aytiladi.

"Kamolot" harakati web sahifasi yozishicha, ommaviy tadbirlar poytaxtning favvoralar mavjud 20 joyida o‘tkaziladi.

1 mayni favvoralar kuni sifatida bayram qilinishi internet foydalanuvchilari tomonidan turlicha qarshilangan, bunday bayram nega faqat poytaxtda nishonlanishi savollar tug‘dirgan.

Shuningdek 1 may bayram sifatida nishonlanar ekan, aholi uchun dam olish kuni deb e‘lon qilinishi kerak degan fikrlar bildirilgan.

Ittifoq davrida 1 may Mehnatkashlarning xalqaro birdamlik kuni sifatida bayram qilib kelingan. Paradlar uyushtirilgan.

O‘zbekiston mustaqillikka erishgach, 1 mayni bayram qilish to‘xtatilgan.

1 may kuni O‘zbekistonda favvoralar kuni nishonlanadi. Toshkentning 14 maskanida ushbu sanaga bag‘ishlangan tadbirlar o‘tkaziladi, deb xabar qildi poytaxt hokimiyati «Gazeta.uz"ga. Marosimlarda kino va teatr aktyorlari, estrada ijrochilari bilan uchrashuvlar bo‘lib o‘tadi. Kitob yarmarkalari, bolalar uchun turli namoyishlar tashkil etiladi.

Toshkentda favvoralar kuni o‘tkaziladigan maskanlar

1. 
   Ma’rifat markazi va Simpoziumlar saroyi (Milliy kutubxona);
   
2. 
   Sayilgoh maydoni;
   
3. 
   «Bolajon» istirohat bog‘i (Toshkent kurantlari);
   
4. 
   «Interneshnl Toshkent» mehmonxonasi;
   
5. 
   Xadra maydoni va Sirk binosi;
   
6. 
   Mirzo Ulug‘bek istirohat bog‘i;
   
7. 
   Pushkin xiyoboni (Bobur ko‘chasi);
   
8. 
   «Istiqlol» san’at saroyi qarshisidagi maydon;
   
9. 
   Alisher Navoiy nomidagi DAKT qarshisidagi maydon;
   
10. 
    Mustaqillik maydoni;
    
11. 
    «Lokomotiv» istirohat bog‘i;
    
12. 
    Toshkent axborot texnologiyalari universiteti;
    
13. 
    Toshkent irrigatsiya va melioratsiya instituti;
    
14. 
    Toshkent davlat iqtisodiyot universiteti.