1-мавзу. Ўзбекистоннинг жаҳон ҳамжамияти билан алоқаларининг бошланиши. Маъруза режаси

Мамлакатимизнинг жаҳон ҳамжамиятидаги фаол иштироки ва халқаро ташкилотлар билан ўзаро ҳамкорликлари:
Жаҳон ҳамжамиятида фаол иштирок этиш ва Ўзбекистоннинг миллий манфаатларига мос келадиган кўп томонлама сиёсат юритиш – давлатимиз мустақиллигини мустаҳкамлашнинг муҳим шартидир. Ўзбекистон Республикаси бир қатор ихтисослашган нуфузли халқаро иқтисодий илмий-техникавий ва маданий ташкилотлар – Жаҳон иқтисодий ҳамкорлик ташкилоти, Жаҳон банки, Халқаро валюта жамғармаси, Халқаро қайта тиклаш ва тараққиёт банки, Халқаро меҳнат ташкилоти, Халқаро почта иттифоқи, Жаҳон соғлиқни сақлаш ташкилоти, электр алоқаси бўйича халқаро иттифоқ, Жаҳон метеорология ташкилоти, Халқаро автомобиллар иттифоқи, Халқаро олимпиада иттифоқи, Осиё ва Тинч океан ҳавзаси бўйича иқтисодий ва ижтимоий Комиссия, Шимолий Атлантика Ҳамкорлиги Кенгаши, Марказий Осиё мамлакатлари иқтисодий ҳамкорлик Ташкилоти, Божхоналар ҳамкорлиги кенгаши, Атом энергияси бўйича агентлик, Европа қайта тиклаш ва тараққиёт банки, БМТ-нинг таълим, фан ва маданият бўйича қўмитаси (ЮНЕСКО) ва ташкилотларнинг аъзосидир.
Ўзбекистон Мустақил Давлат сифатида халқаро Конвенцияларга ва БМТ, ЕХҲТ, ХМТ кабиларнинг қарорларига ҳам қўшилди¹.
Ўзбекистон давлат Мустақиллигини қўлга киритган кунидан бошлаб жаҳондаги нуфузли мамлакатлар билан давлатлараро алоқалар ўрнатиш ва уни ривожлантириш йўлини тутди, ташқи сиёсатнинг асосий йўналишларини белгилаб олди.
Ўзбекистоннинг Яқин ва Ўрта Шарқ ҳамда Араб мамлакатлари билан давлатлараро муносабатларни ўрнатиш ва ривожлантиришга интилмоқда. Ўзбекистон Президенти И.А.Каримов бошлиқ давлат делегацияси расмий ташриф билан Туркия, Эрон, Покистон, Ҳиндистон, Саудия Арабистони, Мисрда бўлиб, улар билан ҳамкорлик муносабатларининг асослари тўғрисида шартномалар, иқтисодий илмий-техникавий ва маданий ҳамкорлик битимларини тузди. Бу тузилган ҳужжатлар эса давлатлараро муносабатларини янада ривожлантиришга хизмат қилмоқда. 1992 йил 28 ноябрда Ўзбекистон, Покистон, Эрон ва Туркия томонидан тузилган иқтисодий ҳамкорлик ташкилотига аъзо бўлиб кирди. 1992 йил 10 майда Ашхабодда Ўзбекистон, Қозоғистон, Туркманистон, Эрон, Туркия, Транс Осиё темир йўлини вужудга келтириш мақсадида Тажан-Серакс-Машхад Темир йўли қуриш ҳақидаги битимини, божхона хизматини ташкил этиш, шу соҳа учун мутахасислар тайёрлаш ҳақидаги ҳужжатларни имзоладилар. Узунлиги 305 км бўлган мазкур темир йўлни қуриш учун 547 млн. АҚШ доллари сарфлашга келишганди. Ана шу йўл орқали Ўзбекистон ўз маҳсулотини Анқарагача ёки Форс кўрфазига, кейин дунёнинг исталган бурчагигача етказиши мумкин бўлди.