1-мавзу: Ўзбекистон республикасида илмий ва инновацион фаолиятни

Илмий лойиҳаларнинг ҳисоботлари рўйхатини юритиш
Илмий фаолиятга оид давлат дастурлари доирасида бажарилган ва Давлат бюджети ҳисобидан молиялаштирилган лойиҳаларнинг якуний ҳисоботларини рўйхатдан ўтказиш ва ҳисобини юритиш Ўзбекистон Республикаси Инновацион ривожланиш вазирлиги ҳузуридаги Илмий- техника ахбороти маркази томонидан амалга оширилади. Илмий-техника ахборот маркази ижрочи-ташкилотларга илмий лойиҳаларнинг якуний ҳисоботларини рўйхатга олиш ва ҳисобот ҳужжатларини тақдим этиш ишларида услубий ёрдам кўрсатади. Илмий-техника ахбороти маркази илмий фаолиятга оид давлат дастурлари доирасида амалга оширилган илмий-тадқиқот ишларининг натижалари бўйича маълумотлар базаси ва ягона реестрини юритади. Илмий лойиҳаларнинг якуний ҳисоботлари ижрочи ташкилотнинг Илмий (Илмий-техник) кенгашлари йиғилишида муҳокама қилинади. Ижрочи ташкилот белгиланган муддатда Илмий-техника ахбороти марказига тасдиқланган ҳисобот ҳужжатларини тақдим этиши шарт. Якуний ҳисобот ҳужжатлари электрон ва қоғоз нусхада топширилади.Тақдим этилган маълумотларнинг тўлиқлиги, ишончлилиги, қонунийлиги ва ҳужжатларнинг талаб даражасида шакллантирилганлиги учун жавобгарлик ижрочи ташкилот зиммасидадир. Илмий-техник ахборот маркази экспертларни жалб этган ҳолда якуний ҳисоботларни экспертизадан ўтказади, хулоса тайёрлайди, тижоратлаштириш имконияти юқори бўлган лойиҳаларни тижоратлаштиришга тавсия этади.

¹ Мирзиёев Ш.М. Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси.- Тошкент. “Ўзбекистон” НМИУ, 2018.-Б.23.
^[1] Ўзбекистон Республикаси Президентининг "2019-2021 йилларда Ўзбекистон Республикасини инновацион ривожлантириш стратегиясини тасдиқлаш тўғрисида"ги ПФ-5544-сонли Фармони 2018 й. 21.09.