1. Mavzu: Yog’

1.Duradgorlik arralar va ularning turlari
Arralash — yog’ochni ko’p keskichli asbob — arra bilan ayrim zagotovka
yoki detallarga bo’lish usulidir. Yog’och qo’l arra bilan arralanganda uning polotnosi to’g’ri chiziqli ilgarilama-qaytarma harakat qiladi. Uning tishlari 5 qirindi (qipiq) ni kesadi va yopiq propil 3 ichidan chiqarib tashlaydi. Arralash natijasida yassi yoki egri chiziqli yon tomonlar 4 va propil tubi 6 hosil bo’ladi (10- rasm).





10-rasm.
Qo’l arra bilan arralash sxemasi:
1 - arra polotnosi; 2 - zagotovka; 3- arralanayotgan joy (propil); 4- propil yon tomoni;
5 – arra tishi; 6 — propil tubi
Dastarralar polotno va dastadan tashkil topadi. Polotnolar uzunligi va kengligi turlicha (uzun, o’rtacha va kalta) bo’lishi mumkin. Polotnolar 9XF, U8GA, U10A, U12A markali po’lat materialdan zarur uzunlik va kenglikdagi tasma shaklida yasalgan bo’lib unga uzunasiga arra tishlari ochilgan. Yog’och materialni uzunasiga va ko’ndalangiga yoki qiya holda arralash uchun tishlar shakli turlicha bo’ladi (11-rasm).