Бухгалтерия ҳисобининг контенитал тизими.
Бухгалтерия ҳисобининг континентал тизими Европанинг кўпчилик мамла-катлари ва Японияда амал қилади. Ушбу тизимнинг асосини бу мамлакатларда бизнеснинг банклар ва давлат билан яқин алоқада бўлиши, фирма ва компа-нияларнинг молиявий ресурсларга бўлган эҳтиёжининг асосан улар томонидан қондирилиши билан боғлиқ. Бухгалтерия ҳисоби тизими қонунчилик асосида тартибга солинади ва ҳаддан ташқари эҳтиёткорлиги билан ажралиб туради.
Бухгалтерия ҳисобиннг ушбу тизимининг асосий мақсади ҳукумат органларининг маълумотларга бўлган талаби қондиришга қаратилган. Шунинг-дек, солиқ муносабатлари учун ва мамлакатнинг макроиқтисодиёт кўрсат-кичлари бўйича белгиланган режаларининг бажарилишини назорат қилишда зарур бўлган маълумотлар билан таъминлашдан иборат.
Континентал тизимда кредиторларнинг эҳтиёжи учун зарур бўлган бухгалтерия маълумотларини шакллантириш ва таъминлаш ҳисобнинг асосий вазифаси ҳисобланмайди.
Демак, бухгалтерия ҳисобининг континентал тизимида бухгалтерия ҳисоби тегишли қонунлар «Бухгалтерия ҳисоби тўғрисидаги ва бошқа қонунлар» асосида ташкил қилинади ва бухгалтерия ҳисобини тартибга солиш билан тегишли давлат органлари шуғулланади. Бухгалтерия ҳисобининг континентал тизимини амал қиладиган мамлакатларда бухгалтерия ҳисобининг счётлар режаси марказлаштирилган ҳолда давлат органлари томонидан ишлаб чиқилади. Континентал тизимда бухгалтерия ҳисобини юритишга давлат томонидан аралашув сезиларли яъни кучли ҳисобланади. Ушбу тизимга қуйидаги давлатлар киради: Австралия, Алжир, Ангола, Бельгия, Буркино фасо, Гвения, Греция, Дания, Заир, Испания, Италия, Камерун, Люксембург, Маш, Миср, Марокко, Норвегия, Португалия, Синегал, Того, Франция, Германия, Швецария, Швеция, Япония.
Бухгалтерия ҳисобининг Жанубий Америка тизими.
Бухгалтерия ҳисобининг Жанубий Америка тизимининг ўзига хос хусусияти ҳисоб маълумотларининг узлуксиз равишда инфляция даражасига муносиб равишда корректировка қилинишидир. Шунингдек, бухгалтерия ҳисобининг асосий вазифаси давлат органларининг давлат режа органлари, солиқ органлари ва ҳоказо маълумотларга бўлган талабини қондиришдан иборат. Шу билан биргаликда бухгалтерия ҳисобини юритиш методикаси унификация қилинган.
Бухгалтерия ҳисобининг Жанубий Америка тизимининг бошқа ҳисоб тизимларидан фарқи қуйидагиларда акс этади:
- ушбу мамлакатларда инфляция даражаси юқори даражада бўлгани учун
хам бухгалтерия ҳисоби маълумотлари узлуксиз равишда рекотировка
қилиниши;
- бухгалтерия ҳисобида солиқларни ҳисоблаш билан боғлиқ маълумотлар-ни шакллантиришга асосий эътибор қаратилганлиги;
- бухгалтерия ҳисобининг асосий вазифаси давлат режа органларининг талаблари асосида ҳисоб маълумотларини шакллантириш ва етказиб берилиши;
- бухгалтерия ҳисобини юритишни уни унификатцияга асосий эътиборнинг қаратилганлиги.
Бухгалтерия ҳисобининг Жанубий Америка тизимига Аргентина, Бразилия, Боливия, Гайана, Парагвай, Перу, Уругвай, Чили, Эквадор каби давлатлар киради. Ушбу мамлакатларнинг ўтилиши бир-бирига яқин бўлиб, бу уларни бирлаштиради.
Шунингдек, Бразилиядан (ушбу мамлакатда давлат тили Португал тили ҳисобланади) ташқари уларнинг барчасида Испан тили давлат тили ҳисобланади ва уларни бирлаштирадиган асосий омиллардан бири ҳисобланади.
Do'stlaringiz bilan baham: |