1 мавзу: Ҳужжатларни классификациялаш ҳақида умумий тушунча

Elektron katalog to‘g‘risida qoidalar, EKning vazifalari, funktsiyalari, tarkibi 
va yuritish texnologiyasi Umumiy qoidalar 
1. Kutubxonaning elektron katalogi mashina o‘qiy oladigan kutubxona 
katalogi bo‘lib, u real vaqt tartibida ishlaydi, kutubxona ma’lumot-qidiruv 
apparati

tarkibiy qismi va avtomatlashtirilgan kutubxona-axborot tizimining 
markaziy zvenosi hisoblanadi. 

---

189 
2. Elektron katalog (EK) kutubxona fondini tashkil qiluvchi bosma, 
audiovizual elektron hujjatlar tarkibi va mazmunini ochib berib kutubxonaning 
axborot resurslariga foydalanuvchilarni erkin kirib borishlarini ta’minlaydi va ko‘p 
aspektli axborot qidiruvini amalga oshirishga xizmat qiladi.
3. EK yaratish tezkorlik bilan barcha toifadagi foydalanuvchilar axborot 
so‘rovlarini to‘liq qondirish orqali mutaxassislar tayyorlash, ilmiy-tadqiqotlar 
o‘tkazish va kitobxonlarga xizmat ko‘rsatish sifatini oshirishga yo‘naltirilgandir. 
4. EK o‘z ichiga yagona qoidalar, umumiy tamoyillar va me’yorlar asosida 
tashkil qilingan bibliografik yozuvlarni olib, u axborotlarga bir marotaba ishlov 
berib ularni ixcham ko‘rinishida saqlash va ulardan ko‘p marotaba foydalanish 
imkoniyatini yaratadi .
5. EK alfavitli, sistemali, predmetli va boshqa ko‘rinishdagi kataloglar 
funktsiyalarini o‘zida mujassamlashtirgan. 
Elektron katalogning asosiy vazifalari
 
- Kutubxona fondi tarkibi va mazmunini har tamonlama ochib berish; 
- Kutubxona fondida mavjud hujjatlar haqidagi axborotlarni ko‘p qirrali tezkor 
qidiruvini ta’minlash; 
- Kutubxona resurslarini Internet tarmog‘i orqali jahon axborot resurslari bilan 
integratsiyalashuvini ta’minlash; 
- Axborotlarni himoya qilish; 
- Foydalanuvchilarga axborotlardan foydalanish uchun qulay sharoitlar yaratish.