1 мавзу. Туризм ва меҳмондорчилик асослари'' фанининг мақсад ва вазифалари

8-модда. Туризм соҳасидаги ваколатли давлат органи
Ўзбекистон Республикаси Туризмни ривожлантириш давлат қўмитаси туризм соҳасидаги ваколатли давлат органидир (бундан буён матнда ваколатли давлат органи деб юритилади).
Ваколатли давлат органи:
туризм соҳасида ягона давлат сиёсатини амалга оширади;
туризм соҳасидаги давлат дастурларини ва бошқа дастурларни ишлаб чиқиш ҳамда амалга оширишда иштирок этади;
туризм хизматлари инфратузилмасини шакллантиради;
тарихий - маданий меросни тарғиб қилишни, туристик салоҳиятни сақлаш ва ривожлантиришни ташкил этади;
Ўзбекистон Республикасининг туризмга оид халқаро шартномалари бажарилишини таъминлайди;
халқаро туристик ташкилотларда Ўзбекистон Республикасининг манфаатларини ифодалайди;
туристик фаолият субъектларига уларнинг фаолиятини ташкил этиш билан боғлиқ масалаларда услубий ва бошқа йўсинда ёрдам кўрсатади;
қонун ҳужжатларига мувофиқ бошқа масалаларни ҳал қилади.
9-модда. Ваколатли давлат органининг ҳудудий бўлинмалари
Ваколатли давлат органи Қорақалпоғистон Республикаси, вилоятлар ва Тошкент шаҳрида ҳудудий бўлинмаларга эга бўлади.
10-модда. Маҳаллий давлат ҳокимияти органларининг туризм соҳасидаги ваколатлари
Маҳаллий давлат ҳокимияти органлари тегишли ҳудудда туризм соҳасида туризмни ривожлантиришнинг ҳудудий дастурларини ишлаб чиқадилар ва амалга оширадилар ҳамда қонун ҳужжатларига мувофиқ бошқа масалаларни ҳал қиладилар.
11-модда. Туризмни ривожлантириш бўйича мувофиқлаштирувчи кенгаш
Туризмни ривожлантириш бўйича мувофиқлаштирувчи кенгаш (бундан буён матнда Мувофиқлаштирувчи кенгаш деб юритилади) туризмни барқарор ривожлантириш учун қулай шарт-шароитлар яратиш масалалари бўйича давлат органларининг, нодавлат нотижорат ташкилотларининг, туризм соҳаси субъектларининг ҳамкорлигини такомиллаштириш мақсадида тузилади.
20-модда. Туристик фаолиятни лицензиялаш
Туроператорлик ва турагентлик фаолияти, шунингдек саёҳатлар ташкил этишга доир бошқа фаолият туристик фаолиятдир.
Туроператорлар ва турагентлар туристик фаолиятни ваколатли давлат органи томонидан бериладиган лицензия асосида амалга оширади.
Туроператорлар ва турагентларга туристик фаолиятни амалга ошириш ҳуқуқи учун лицензия амал қилиш муддати чекланмаган ҳолда берилади. Бунда экскурсия хизматлари кўрсатувчи якка тартибдаги тадбиркор бўлган жисмоний шахсларга туристик фаолиятни амалга ошириш ҳуқуқи учун лицензия олиш талаб қилинмайди.