1-мавзу: Технология фани Давлат таълим стандарти, ўқув дастури, дарслик ва методик қўлланмалари мазмуни

Педагогик креативлик 
(лот. “creatio” – “яратиш”) – педагогнинг анъанавий 
педагогик фикрлашдан фарқли равишда таълим ва тарбия жараёнини 
самарадорлиги таъминлашга хизмат қилувчи янги ғояларни яратиш, шунингдек, 
мавжуд педагогик муаммоларни ижобий ҳал қилишга бўлган тайёргарлигини 
тавсифловчи қобилияти. 
Педогогик қобилият
– ўқитиш ва таълим-тарбия бериш мақсадида бошқа 
бир кишига таъсир кўрсатади. Педагогик фаолиятга қизиқиш, болаларни севиш, 
болалар жамоасини уюштира билиш маҳорати, нутқнинг равон ва ишонтира 
оладиган бўлиши, талабчанлик, хушмуомалалик, адолатлилик, холис ниятли 
бўлиш ва шу кабилар. 
Педагогик мажбурият 
– жамият томонидан ўқитувчи шахсига, у томонидан 
бир қатор педагогик мажбуриятларнинг бажарилишига нисбатан қўйиладиган 
талаб ва ахлоқий йўл-йўриқ, кўрсатмалар мажмуаси. 
Педагогик релаксация 
(лот. “relaxatio” – “заифлашиш”, “бўшашиш”) – 
талабаларнинг ҳиссий фаолияти, руҳий-жисмоний қуввати ва ишчанлик 
қобилиятини қайта тиклаш. 
Педагогик рефлексия 
(лот. “reflexio” – “ортга қайтиш”, “акс этиш”) – 
педагогнинг шахс онги моҳияти ва вазифаларини, шу жумладан, қадриятлари, 
қизиқишлари, рағбатлантирувчи омиллар, фикрлаш, идрок, қарорлар қабул қилиш, 
ҳиссий таъсирланиш, хатти-ҳаракатлари ва бошқаларнинг моҳиятини англаб 
етиши. 
Педагогик тажриба 
– касбий фаолиятни ташкил этиш жараёнида педагог 
томонидан ўзлаштирилган орттирилган билим, кўникма ва малакалар мажмуи. 
Педагогик такт 
(лот. “tactus” – “даҳл қилиш”, “даҳлдорлик”, “ҳис этиш”, 
“туйғу”) – педагогнинг ўқувчилар билан турли фаолият шакллари бўйича ташкил 
этиладиган мулоқотда мавжуд ахлоқий тамойиллар ҳамда ҳулқ-атвор қоидаларга 
риоя қилиши, уларга тўғри ёндошиш малакаларига эгалиги. 
Ривожлантирувчи таълим 
–
 
ўқитувчининг асосий вазифаси билиш 
мустақиллиги ва қобилиятларини ривожлантиршга йўналтирилган, талабаларни 
ўқув фаолиятини ташкиллаштириш ҳисобланади.