1-мавзу: Технология фани Давлат таълим стандарти, ўқув дастури, дарслик ва методик қўлланмалари мазмуни

 
6-шакл. Технология таълимида “Устоз-шогирд” фаолиятини 
ташкил этиш технологияси модели 
Технологик ҳужжатлар ва уларни ишлаб чиқаришга тайёрлаш – технологик 
ҳужжатларни асосий турлари, маршрут харита, унинг моҳияти ва тузилиши, 
технологик харита, унинг моҳияти ва аҳамияти, қўлланилиши, эскизлар харитаси 
ва унинг моҳияти, зарурлиги ва қўлланилиши, технологик инструкцияси, 
технологик жараённинг ўтиши, тайёрлов босқичи, деталларга шакл бериш 
босқичи, маҳсулот тайёрлашдаги технологик жараённинг бориши, консрукторлик, 
технологик ва ташкилий ишлаб чиқариш тайёргарлиги, уларнинг моҳияти, 
зарурлиги, амалга оширишнинг узвий боғланиши каби жараёнларни ўз ичига 
олади. 
Технологик ҳужжатларнинг асосий турларига маршрут харитаси, 
технологик харита, эскизлар харитаси, технологик инструкция ва асбоб-ускуналар 
рўйхати киради. Буларнинг дастлабки иккитасидан ишлаб чиқаришнинг 
ҳаммасида, кейингиларидан эса фақат доналаб ва кам серияли ишлаб чиқаришда 
фойдаланилади.

---

225
Маршрут хариталарда чиқариладиган маҳсулотларнинг характеридан қатъий 
назар, материаллар, ярим тайёр маҳсулотлар ва загатовкалар тайёр маҳсулотга 
айлангунча босиб ўтадиган бутун йўл акс этади. Маршрут харитада барча 
операциялар бўйича буюмлар тайёрлашнинг технологик жараёни тавсифи, асбоб-
ускуналар, қўлланиладиган материаллар ҳақидаги маълумотлар, шунингдек, 
норматив характердаги айрим маълумотлар бўлади. 
Технологик хариталарда ўтишлар бўйича ҳар бир алоҳида операциянинг 
бажарилиши маршрут хариталаридагига қарагандан кўра батафсилроқ 
ифодаланади. Шунингдек, уларда буюмга ишлов беришнинг барча жараёнлари 
ёзилади, операциялар ва уларнинг таркибий қисмлари, материаллар, ишлаб 
чиқариш жиҳозлари, асбоб-ускуналар, қўлланиладиган контрол ўлчов асбоблари, 
технологик режимлар, буюмларни тайёрлаш учун керакли вақт ва бошқалар 
кўрсатилади. Ушбу ҳужжатлар асосида белгиланган ишлар тартиби, техникадан 
фойдаланиш ва технологик интизомга аниқ риоя қилиш технологик жараённи 
амалга оширишнинг мажбурий шарти ҳисобланади.