1-мавзу: Таваккалчиликни бошқариш ва унинг корхона фаолияти самарадорлигини оширишдаги ўрни

1.3. – расм. “Ноаниклиқ” ва “Таваккалчилик” тушунчалари ўртасидаги ўзаро боғлиқлик
Менежерлар ва мулк эгаларининг кутишлар ва башоратлари
Ноаниқликлик
(атроф муҳит)
Бизнесни ривожлантириш бўйича ечимлар тайёрлаш
Режали ташкил этиш ва бизнесни юритиш
Кутилаётган бизнес натижалари, таваккалчилик

Келажакдаги натижаларнинг ноаниқлиги ва таваккалчиликнинг асосий фарқи:

Келажакдаги натижаларнинг ноаниқлиги ушбу бизнес учун ҳам, бошқа объект учун ҳам ташқи объектив омиллар ва унинг ички муаммолари билан юзага келади. Бу таваккалчиликнинг пайдо бўлиши учун асос бўлиб xизмат килади ва бизнес натижаларига таъсир этувчи омилларни аниқлайди.
Шу билан бирга, таваккалчиликни баҳолаш ёки ўлчаш объектив ва субъектив xусусиятлардан фойдаланган ҳолда менежер, тадбиркор эгаси ёки бошқа қарор қабул қилувчи томонидан ушбу ноаниқлик шароитида келажакдаги натижаларни тақсимлашнинг айрим субъектив моделига асосланади.

Таваккалчилик кўплаб манбааларда турлича талқин қилиниб келинади. Улардан айримларини келтириб ўтамиз:

А.А.Ивановнинг “Таваккалчилик менежмент” номли ўқув-услубий мажмуасида таваккалчиликка қуйидагича таъриф келтирилган: “Таваккалчилик остида аниқ белгиланган вақт давомидаги кузатишларда стратегик мақсадларга эришиш учун салбий таъсир қиладиган барча ички ва ташқи шароитлар тушунилади.
Н.Н.Макарова берган таърифга кўра: “Таваккалчилик ўзида мумкин бўлган ресурсларнинг йўқотилиши ёки даромадларга эриша олмасликни кўрсатади”
Австралиялик олим Ёзеф Шумпетер таваккалчиликни корхона билан боғлаб, агар таваккалчилик хўжалик режасида ҳисобга олинмаса, у бир томондан фойдани, иккинчи томондан зарарни манбасига айланишини кўрсатиб ўтди

• Ноаниқлик - бу объект ва ташқи муҳитнинг мумкин бўлган ҳолатлари тўғрисида маълумот тўлиқ ёки қисман йўқ бўлган вазият.

• Xавф - баъзи бир исталмаган воқеа содир бўлиши эҳтимоли.

• Таваккалчилик – олдиндан белгиланган муайян режалардан четга чиқиши, яъни зарар ёки фойда келтириши мумкин бўлган ҳар қандай ўзгаришларнинг содир бўлиш эҳтимоллиги.