1-mavzu: Sug`urtaning iqtisodiy mohiyati va funksiyalari. Reja: Sug‘urta nazariyasining kelib chiqish tarixi. Sug‘urta nazariyasi predmeti va ob’ekti

3-савол баёни: Суғурталовчилар устав фондининг энг кам миқдори Ўзбекистон Республикаси Вазирлар Маҳкамаси томонидан белгиланади.
Суғурталовчи устав фондининг камида тўқсон фоизи муассисларнинг (иштирокчиларнинг) пул маблағларидан шакллантирилади.
Суғурталовчининг устав фондини шакллантириш учун кредитга, гаровга олинган маблағлардан ва бошқа жалб қилинган маблағлардан фойдаланишга йўл қўйилмайди.
Суғурталовчининг бошланғич устав фонди лицензия олинадиган пайтга қадар муассислар томонидан шакллантирилган бўлиши ва қонун ҳужжатларида белгиланган устав фондининг энг кам миқдоридан кам бўлмаслиги керак
Хозирги кунда амалдаги суғурталовчилар Устав капиталининг энг кам миқдори:
-умумий суғурталаш тармоғида - 500 минг АҚШ долларига эквивалент бўлган суммада;
-хаёт суғуртаси тармоғида – 750 минг АҚШ долларига эквивалент бўлган суммада;
-мажбурий суғурта бўйича - 1000 минг АҚШ долларига эквивалент бўлган суммада;
-фақат қайта суғурталаш бўйича – 3000 минг АҚШ долларига эквивалент бўлган суммада;
2013 йил 22 майдаги 872 сонли Қарори билан 2015 йил 1 январидан бошлаб:
суғурталовчилар Устав капиталининг энг кам миқдори:
-умумий суғурталаш тармоғида - 750 минг еврога эквивалент суммада;
-хаёт суғуртаси тармоғида - 1000 минг еврога эквивалент суммада;
-мажбурий суғурта бўйича - 1500 минг еврога эквивалент суммада;
-фақат қайта суғурталаш бўйича - 4000 минг еврога эквивалент суммада белгиланиши кўзда тутилган.
Мисол учун "Ўзбекинвест" ЭИМСК Низом капитали 60 млн. АҚШ долларини ташкил этади. "Ўзбекинвест"нинг асосий мақсади – чет эл инвесторлари ҳамда миллий экспортчиларга инвестицион ва тадбиркорлик фаолияти жараёнида юзага келиши мумкин бўлган турли хавф-хатарлардан ишончли суғурта кафолатини тақдим этиишдан иборат.
Компания республиканинг барча вилоятларидаги ҳудудий филиаллар тармоғи, Лондон шаҳрида жойлашган "Ўзбекинвест Интернешнл" қўшма корхонаси, "Ўзбекинвест Эксиминформ" маркетинг агентлиги, "Ўзбекинвест Сармоялари" инвестицион компанияси, "Ўзбекинвест Ассистанс" сервис агентлиги, "Ўзбекинвест Ҳаёт" шўъба суғурта компанияси каби тўртта шўъба корхоналардан ташкил топган.
"Ўзбекинвест" ЭИМСК бозорнинг “умумий суғурта” соҳасида фаолият кўрсатиб, суғурта фаолияти классификаторига кўра суғуртанинг барча 17 тури бўйича суғуртани амалга оширади (Вазирлар Маҳкамасининг 27.11.2002 йилдаги 413 сонли Қарори асосида), шунингдек, ISO 9001:2000 (Германия) халқаро стандартига мос келадиган TUV CERT Халқаро сертификатига эга.