1-mavzu: So‘zlarning sintetik, analitik, juft va takroriy, aralash hamda nol ko‘rsatkichli shakllari. Grammatik kategoriya haqida umumiy ma’lumot. Grammatik kategoriya grammatik ma’no va ularni ifoda qiluvchivositalar tizimi ekanligi

ASOSIY TUSHUNCHALAR:

Grammatika tilshunoslikning yirik bo‘limi sanalib, grek. grammatike «harf o‘qish va yozish san’ati» degan ma’noni anglatadi. Grammatika ko‘plab tilshunoslik atamasi kabi ikki ma’noli. Birinchisi grammatika deganda tilning grammatik qurilishi tushunilsa, ikkinchi tilshunoslikning shu grammatik qurilishini o‘rganuvchi sohasi anglashiladi. Grammatika til tuzilshining ikki sathi - morfologik va sintaktik sathini o‘rganish bilan shug‘ullanadi. Shuning uchun ham u tilshunoslikning morfologiya va sintaksis bo‘limlarini o‘z ichiga oladi.

Morfologiya ─ grammatikaning so‘zshakl ma’nosi haqidagi sohasi bo‘lsa, sintaksis grammatikaning so‘zshakl vazifasi haqidagi sohasi sanaladi.

Morfologiya morfemika, leksikologiya, fonetika, sintaksis, (uslubiyat) stilistika bilan ham bevosita aloqador.