1-мавзу: «Солиқлар ва солиққа тортиш» фанининг предмети, мазмуни ва уни ўрганиш усуллари

1.2. «Солиқлар ва солиққа тортиш» фанининг бошқа иқтисодий фанлар билан ўзаро алоқаси

Солиқ ва солиқ муносабатларига доир билимларни ўрганишда бир қатор иқтисодий фанларни ҳам ўрганиш мақсадга мувофиқ ҳисобланади. Барча иқтисодий фанлар бир-бирини тўлдириб боради ва ўрганиш услубларини осонлаштиради. Биз “Солиқлар ва солиққа тортиш” фанини ўрганишда “Микроиқтисодиёт”, «Иқтисодиёт назарияси», «Молия» ва «Пул, кредит ва банклар» каби иқтисодий фанлар билан биргаликда ўрганамиз.
«Солиқлар ва солиққа тортиш» фани «Иқтисодиёт назарияси» фани билан чамбарчас боғлиқ бўлиб, унинг махсус кенгайтирилган бўлимидир. Чунки солиққа тортиш ва солиқ муносабатларининг қонуниятлари умумиқтисодий назария қонуниятларидан четга чиқмасдан, уларга асосланади.
«Солиқлар ва солиққа тортиш» фани «Микроиқтисодиёт» фани билан ҳам ўзаро алоқадорликда ўрганилади. «Микроиқтисодиёт» фани иқтисодий муносабатларнинг назарий асосларини ўрганса, «Солиқлар ва солиққа тортиш» фанида эса солиқларни ҳисоблаш ва бюджетга тўлаш механизмидаги амалий ва услубий асослар ўрганилади.


Ўз-ўзини текшириш учун саволлар
1. “Солиқлар ва солиққа тортиш” фанини ўқитишдан мақсад нима?
2. Фанни ўрганишда қандай усуллардан фойдаланилади?
3. “Солиқлар ва солиққа тортиш” фанининг предмети нимадан иборат?
4. “Солиқлар ва солиққа тортиш” фани қайси фанлар билан боғланган?


Топшириқлар
1. “Солиқлар ва солиққа тортиш” фанини ўқитишнинг аҳамиятини ўрганиш.
2. Фаннинг мақсади, вазифалари ва предметини ўрганиш.