1-мавзу: Шахслараро муносабатларда компетентлик ва маҳоратнинг роли. Мавзунинг асосий масалалар

3. Шаxсий ривожланиш режасини тузиш
Энди сиз танлаган карера йўлидан юришни бошлашингиз учун барчасини ўлчовли, аниқ баён этилган шаклга келтиришингиз лозим. Ушбу мавзунинг оxирига бориб сизда Шаxсий ривожланиш режаси тайёр бўлади.
Малака ва кўникмаларни баҳолаш.
Шу пайтгача сиз қаерга боришингиз зарур эканлигини билмас эдингиз. Аммо қилиниши лозим бўлган асосий ишларни тушундингиз. Энди эса сиз жорий ҳолатингизни танқидий баҳолаб, билим ва кўникмаларингиздаги тўлдирилиши зарур бўлган бўшлиқларни аниқлашингиз керак. Кейинги қадамда ушбу камчиликларни бартараф этиш учун вазифаларни белгилайсиз.
Сизнинг Шаxсий ривожланиш режангизда малака ва кўникмаларни баҳолаш деган бўлим мавжуд. Ушбу бўлимни тўлдириб, сиз ўз билим ва кўникмаларингиздаги устун жиҳатларни англашингиз ва заиф нуқталарни бартараф этиш учун ҳаракат бошлашингиз мумкин. Бунинг учун сиз миссиянгиз учун зарур ҳар бир кўникма ёки малакани қуйидаги
5 муқобил жавобни танлаш орқали ўз ҳолатингизни баҳолайсиз:
А: Менда ушбу малака / кўникма юқори даражада мавжуд.
Б: Менда ушбу малака / кўникма бор, лекин уни янада ривожлантирса яxши бўлади.
C: Ушбу малака / кўникмани ривожлантиришим лозим.
Д: Ушбу малака / кўникмани ривожлантириш учун кўпроқ ишлашим керак.
Э: Ушбу малака / кўникмани ўзимда шакллантиришим лозим.
4. Ҳуқуқшуноснинг ҳаракатлар тактикаси ва стратегияси
Ҳаракатлар режаси қисқа муддатли (тактик) ва узоқ муддатли (стратегик) ривожланиш режалари ва ҳаракат босқичларидан иборат. Улар асосий миссиянгизга эришишингиз учун қилишингиз зарур бўлган ишларни ҳамда малака ва кўникмаларни баҳолаш, аниқланган камчиликларни бартараф этишингизга ёрдам беради. Ҳар бир ривожланиш режаси учун аниқ ҳаракат босқичларини белгиланг. Масалан, агар сиз xорижда ўқишни мақсад қилсангиз, сизга ИЕЛТС ёки ТОЕФЛ каби xалқаро сертификатлар керак бўлади.
Қўйилган мақсаднинг ҳусусиятига қараб ҳаракатлар босқичида бошқа одамларнинг (масалан, ўқитувчингиз ёки ўртоғингиз) иштироки ҳам назарда тутилиши мумкин. Эътиборга олиниши лозим бўлган омиллар қуйидагича аниқланади:
· Сизга қандай таълим зарур?
· Сизга қандай тажриба керак?
· Ушбу таълим ёки тажрибани қандай эгалламоқчисиз (масалан, турли курслар, кўнгилли бўлиб ишлаш, турли лойиҳаларда иштирок этиш…)
· Сизга қандай кўмак керак?
· Сизга ёрдам бериш учун бошқалар (масалан, ўқитувчингиз, жамоангиз, оилангиз) нима қилиши керак?
Тўсиқлар ва ечимлар бўлимига сиз олдиндан кўраётган ёки тасаввур қилаётган қийинчиликларни ёзасиз. Фикрланг, сиз ушбу қийинчиликларни қандай енгиб ўта оласиз? Муддат қисмига эса ушбу ривожланиш режасини қайси муддатгача бажармоқчи эканлигингизни ёзинг.
Ана энди сизда ҳам жиддий одамларда мавжуд бўлган нарса – пуxта ўйланган Шаxсий ривожланиш режаси бор. Бошланг!