1-мавзу. “Персонални бошқариш” фанининг предмети ва вазифалари

«Персонални бошқариш» фани ўз олдига қўйилган вазифаларни ҳал қилар экан, бир қатор ижтимоий, иқтисодий, ҳуқуқий фанлар тажрибаси ва назариясига таянади. Шу жиҳатдан у «Фалсафа», «Иқтисодий назария», «Меҳнат иқтисодиёти», «Меҳнат социологияси», «Меҳнат ҳуқуқи» каби фанлар билан узвий боғлиқдир.

• «Персонални бошқариш» фани ўз олдига қўйилган вазифаларни ҳал қилар экан, бир қатор ижтимоий, иқтисодий, ҳуқуқий фанлар тажрибаси ва назариясига таянади. Шу жиҳатдан у «Фалсафа», «Иқтисодий назария», «Меҳнат иқтисодиёти», «Меҳнат социологияси», «Меҳнат ҳуқуқи» каби фанлар билан узвий боғлиқдир.
• «Персонални бошқариш» фани, жумладан, «Фалсафа» фани тамойилларини, яъни инсониятнинг тарихий шаклланиши, меҳнат жараёнининг моҳияти ва мазмуни, инсоннинг асосий фаолияти сифатида намоён бўлиши, унинг ижтимоий ва фан-техника тараққиётининг асосий шарти сифатида ҳар томонлама ривожланиши каби муаммоларни биргаликда ўрганади.
• «Персонални бошқариш» фани «Иқтисодий назария» фани билан ҳам чамбарчас боғлиқдир. У меҳнат бозори ва унинг таркибий қисмлари, ишсизлик ва уни камайтириш йўналишлари, меҳнат бозорини тартибга солиш, давлатнинг ижтимоий сиёсати каби масалаларнинг иқтисодий ҳамда назарий жиҳатларини биргаликда ҳал этади.

Персонални бошқаришда инсон омилининг ташқи муҳитга таъсири, яъни ишлаб чиқариш жараёнида ишловчиларнинг ўз атрофидаги ходимларга муносабати, ишлаб чиқариш муҳитининг, санитария-гигиена омилларининг инсон организми, саломатлиги ва ишга бўлган муносабати ҳамда ишлаш қобилияти, албатта, ҳисобга олиниши лозим. Булар ишловчиларнинг ўзи ишлаётган корхонага, ўз ишига бўлган муносабатида шаклланади. Шундай экан, «Персонални бошқариш» фани ўзи чамбарчас боғлиқ бўлган «Меҳнат физиологияси», «Меҳнат гигиенаси», «Меҳнат муҳофазаси» каби фанларнинг меҳнатга муносабат борасидаги назарий томонлари ва тавсияномаларига амал қилиши лозим.

• Персонални бошқаришда инсон омилининг ташқи муҳитга таъсири, яъни ишлаб чиқариш жараёнида ишловчиларнинг ўз атрофидаги ходимларга муносабати, ишлаб чиқариш муҳитининг, санитария-гигиена омилларининг инсон организми, саломатлиги ва ишга бўлган муносабати ҳамда ишлаш қобилияти, албатта, ҳисобга олиниши лозим. Булар ишловчиларнинг ўзи ишлаётган корхонага, ўз ишига бўлган муносабатида шаклланади. Шундай экан, «Персонални бошқариш» фани ўзи чамбарчас боғлиқ бўлган «Меҳнат физиологияси», «Меҳнат гигиенаси», «Меҳнат муҳофазаси» каби фанларнинг меҳнатга муносабат борасидаги назарий томонлари ва тавсияномаларига амал қилиши лозим.
• Меҳнат фаолиятининг ижтимоий йўналишларини ва меҳнат жамоасининг ижтимоий масалаларини – меҳнатнинг мазмуни ва характери, меҳнатга кўникиш, меҳнатни ташкил этиш, ишловчиларнинг фаоллиги, меҳнатдан қониқиш ҳосил қилиш омиллари, рағбатлантиришнинг турли шакллари ва уларга муносабат каби масалаларни ўрганишда «Персонални бошқариш» фани «Социология», шу жумладан, «Меҳнат социологияси» фани билан узвий алоқадор. Шунингдек, у меҳнат қонунлари, ҳуқуқлари ва нормаларини ўрганишда ҳуқуқий фанлар, жумладан, «Меҳнат ҳуқуқи» фани тавсияномаларига таянади.