1-mavzu. O‘zbekistonda loyiha boshqaruvi muhiti

Loyihalarni boshqarishda iqtisodiy-matematik usullardan foydalanish.

Mamlakatimizda amalga oshirilayotgan ijtimoiy-iqtisodiy islohotlarni chuqurlashtirish va jadallashtirish strategiyasi iqtisodiy salohiyatni hamda mavjud imkoniyatlarni maksimal darajada safarbar etishni talab qiladi. Bunday sharoitlarda iqtisodiy potensial, moddiy, mehnat va moliyaviy resurslardan matematika va kibernetikani tadbiq etishga asoslangan ilmiy usullarsiz samarali foydalanish mumkin emas.

Ma’lumki, operatsion tizimlar faoliyati unumdorligi ko`p jixatdan mavjud moddiy, mehnat, moliyaviy va boshqa resurslarni samarali xamda oqilona birlashtirishga qaratilgan boshqaruv qarorlariga bog`liq. Boshqaruv qarorlari qanchalik ilmiy asoslangan bo`lsa, qaror ijrosining natijasi shunchalik muvaffaqiyatli bo`ladi. SHu sababli, zamonaviy menejmentda faoliyatni rejalashtirish, tashkil etish va boshqarishni takomillashtirish imkonini beruvchi operatsiyalarni tadqiq qilish usullariga katta e’tibor berilmoqda.

Operatsiyalarni tadqiq qilish deyilganda boshqaruv masalalarini iqtisodiy- matematik usullar va modellar yordamida xal qilish tushuniladi. Operatsiyalarni tadqiq kilish yordamida boshqaruv qarorlarini kabul kilishda imkoniyatli variantlar soni ortadi, ularni ma’lum mezonlar asosida taqqoslash imkoniyati kengayadi, mavjud resurslardan foydalanishning eng oqilona va samarali yunalishlari aniklanadi, xisobotni yuritish tizimi yaxshilanadi, foydani maksimallashtirish yoki xarajatlarni minimallashtirish maqsadida ishlab chiqarish dasturining eng optimal varianti topiladi va x.k.

Iqtisodiy- matematik usullar va modellardan boshqarishda foydalanish ijtimoiy –iqtisodiy jarayonlarni va ularning boglikligini rakamlar yoki modellar orkali ifodalash imkoniyatini beradi, unlab, xatto yuzlab turli variantlarni takkoslash imkonini kengaytiradi. Bularning barchasi boshqaruv jarayonida EXM va kompyuterlardan kengroq foydalanishni taqozo etadi.