1-mavzu: nomanfiy butun sonlar ustida arifmеtik amallarni o‘rgatish va hisoblash ko`nikmalarini tarkib toptirish

---

1-MAVZU: NOMANFIY BUTUN SONLAR USTIDA ARIFMЕTIK AMALLARNI 
O‘RGATISH VA HISOBLASH KO`NIKMALARINI TARKIB TOPTIRISH
MЕTODIKASINING UMUMIY MASALALARI. O`NLIK VA YUZLIK KONSENTRIDA 
OG`ZAKI VA YOZMA HISOBLASH MALAKALARINI SHAKLLANTIRISH USUL VA 
METODLARI. 
Reja: 
1.Hisoblash ko`nikmasini tarkib toptirish metodikasi.
2. Arifmetik amallarni bajarishni o`rgatishning umumiy masalalari. 
3. Hisoblashning og`zaki va yozma usullarini o`rgatish metodlari va ularning bir-biridan farqi. 
4.O`nlik konsentrida arifmetik amallarni bajarishni o`rgatish metodlari. 
5. O`nlik konsentrida hisoblashlarni o`rgatishda 1-sinf darsligi bilan ishlash. 
6. O`nlik mavzusida qo`shish va ayirishni o`rgatishning og`zaki usulini o`rgatish bosqichlari. 
7. Yuzlik konsentrida arifmetik amallarni bajarishni o`rgatishning umumiy masalalari. 
8. Yuzlik mavzusida qo`shish va ayirishni o`rgatishning yozma va og`zaki usullari. 
9. Mavzuni o`rgatishning darslik asosidagi tahlili. 
 
1.Hisoblash ko`nikmasini tarkib toptirish metodikasi.
Boshlang`ich sinf o`quvchilarida arifmetik amallarni o`rganish hamda og`zaki va yozma 
hisoblash ko`nikmalarini tarkib toptirish matematik dasturining asosiy yo`nalishlaridan biri 
hisoblanadi.
Arifmetik amallarni bajarishni o`rgatish metodikasi o`zaro bog`liq bo`lgan bir necha 
bosqichga ajratiladi. 
I-bosqich.
Dastlab amallarni ma’nosi ochib beriladi. Har bir ishoraning mazmunini 
tasavvur qilib olinadi. Bunda turli amaliy masalalar va o`quvchilar hayotiy faoliyatidan 
foydalanganlik asosida ishlar olib boriladi. Bu bosqichdagi ishlarni amalga oshirishda 
ko`rgazmalilik tamoyili va to`plamlar nazariyasidan foydalanamiz.
Arifmetik amallarni o`rganishdan oldin o`quvchilar ongiga uning ma'nosini, mazmunini 
yetkazish kerak. Bu ish narsalarning har xil to`plamlari bilan amaliy ishlar bajarish asosida 
o`tkaziladi. Xususan, o`quvchilarni qo`shish va ayirish amallarining ma'nosi bilan tanishtirish ikki 
to`plam elementlarini birlashtirishga oid va berilgan to`plamdan uning qismlarini ajratish kabi 
amaliy ishlar asosida olib boriladi. Yaxshi o`zlashtirilgan qo`shish amali-ko`paytirish uchun asos 
bo`lib xizmat qilishi kerak. Ko`paytirishni, uning komponentlari bilan natijalari orasidagi 
bog`lanishlarni o`rganish o`z navbatida bo`lish amalini o`rganishga asos bo`lib xizmat qiladi. 
II-bosqich.
Bu bosqichda ifodalarni bajarishni o`rgatish va takomillashtirish ishlari 
o`rgatiladi.To`rt amalni ham dastlabki bajarish ishlari o`rgatiladi va mashqlar yordamida 
takomillashtirilib, rivojlantiriladi.Bunda hisoblashlarni og`zaki va yozma usullari har xil 
vositalardan foydalangan holda qo`llaniladi lekin, hisoblashning bu ikki usulini nazariy jihatdan 
tushuntirish ishlari amalga oshirilmaydi.