1-mavzu. “Moliyaviy muassasalar”

Keysning asosiy mohiyati, afzalliklari quyidagilardan iborat:

• 
  o’quv mashg’ulotini keys-texnologiyasi orqali o’tkaziladi;
  
• 
  talabalarni maksimal faolligini oshiradi va mustaqil ishlashga, fikrlashga undaydi;
  
• 
  aniq ma’lumotlar asosida qurilgan vaziyatning mavjudligi talabalarda uni yechishga qiziqish uyg’otadi;
  

Kirish

O’zbekiston Respublikasida amalga oshirilayotgan islohotlarning hozirgi bosqichida iqtisodiyotni erkinlashtirish, mamlakatni modernizatsiyalash, makroiqtisodiy barqarorlikni ta’minlash evaziga uzluksiz iqtisodiy o’sishga erishishdek dolzarb vazifa qo’yilgan. Bu esa, o’z navbatida xo’jalik yurituvchi sub’ektlarni iqtisodiy va moliyaviy holatini tahlil qilishni taqozo etadi.

Korxonalarni moliyaviy holatini ifodalovchi ko’rsatkichlardan biri va muhimi - moliyaviy natijalardir. Moliyaviy natijalar (foyda yoki zarar) xo’jalik yurituvchi sub’ektlarning moliyaviy–xo’jalik faoliyatini baholashda barometr vazifasini o’taydi. Shu bois, ushbu ko’rsatkichlarni tahlil qilish shakllanayotgan erkin iqtisodiyot sharoitida nafaqat nazariy, balki muhim amaliy ahamiyatga molikdir.

Korxonaning moliyaviy holatiga baho berish, tegishli boshqaruv qarorlarini qabul qilish uchun moliyaviy natijalarni ifodalovchi ko’rsatkichlarni kompleksli va tizimli tarzda omilli tahlil qilish lozim. Moliyaviy natijalarni omilli tahlil qilish natijasida korxonalarni raqobatbardoshligini ta’minlash, bankrotlik holatining oldini olish, foydani oshirish bo’yicha mavjud ichki xo’jalik imkoniyatlarini aniqlash orqali ularning moliyaviy holati barqarorligini ta’minlash, iqtisodiy va moliyaviy salohiyatini oshirish, xo’jalik faoliyatini iqtisodiy baholash samaradorligini oshirish imkoni bo’ladi.