1-mavzu. “Moliyaviy muassasalar”

10-mavzu: Xo’jalik yurituvchi sub’yektlarning ishlab chiqarish chiqimlari, foydasi va rentabelligi

KEYS “Inter-Rohat ” qo’shma korxonasi misolida

PEDAGOGIK ANNOTATSIYA
Mavzuning nomi: “Moliyaviy natijalarni ifodalovchi ko’rsatkichlarni tahlili” mavzusi bo’yicha keys.

Ushbu keysning maqsadi – talabalarni o’rganilgan mavzu bo’yicha egallagan nazariy bilimlari asosida amaliy harakatlar, muloqotlar, fikrlash orqali muayyan iqtisodiy va moliyaviy vaziyatni tahlil qilish natijasida to’g’ri baholay olishlari kerakligi bilan belgilanadi.

Kutilayotgan natijalar: korxona moliyaviy natijalarini ifodalovchi ko’rsatkichlarni kompleks va sistemali tarzda omilli tahlil qilish usullarini o’rganish, moliyaviy tahlilni baholash va berilgan muammolarni echish. Keys muqaffaqiyatli echish uchun talabalar quyidagi natijalarga erishishlari lozim: moliyaviy natijalarni o’zgarishiga ta’sir qiluvchi omillarni aniqlash va hisob-kitob qilish, sof foyda hajmini oshirish bo’yicha ichki imkoniyatlarni aniqlash usuli, korxonani iqtisodiy-moliyaviy holatiga baho berish;

Ushbu keys kabinetli va syujetli toifasiga kiradi. Vaziyatli holatni o’tgan davrdan hozirgi davrgacha bo’lgan iqtisodiy jarayonlardan iborat.

Bu tashkiliy-institutsional keys. U moliyaviy hisobot ma’lumotlariga taqriban asosda tuzilgan qisqa va strukturali keys-topshiriq.Keysning ob’ekti bo’lib “Inter-Rohat” qo’shma korxonasi hisoblanadi.

Didaktik maqsadlari bo’yicha - trening keysi hisoblanib, amaliy mashg’ulot davomida berilgan mavzu bo’yicha olingan bilimlarni mustahkamlashga mo’ljallangan. Shu boisdan, keysda alohida vaziyatda vujudga kelgan muammoni tahlil qilib, ijobiy hal qilish uchun vazifalar, uni echish ketma- ketligi, axborot manbalari berilgan.

Keysning asosiy axborot manbasi sifatida “Inter-Rohat” qo’shma korxonasiinng 200 yil bo’yicha 2-shakli - “Moliyaviy natijalar to’g’risida hisobot” ma’lumotlari hamda “Savdo tashkilotlarining moliyaviy natijalarini tahlil qilish usullarini takomillashtirish yo’llari” mavzusidagi nomzodlik dissertatsiyasi materiallaridan foydalanildi.