1-mavzu. “Moliyaviy muassasalar”

Vaziyat

O’zbekiston-Rossiya qo’shma korxonasi «Ishonch poligrafiya» respublikamiz kichik biznes sub’ekti sifatida faoliyat yuritib, o’z mahsulotlarini yirik va kichik korxonalarga taklif qiladi.

Hozirgi vaqtda bozor bunga o’xshagan tovarlarga to’laligi, o’z navbatida, turli xil poligrafiya mahsulotlari markalari o’rtasida keskin raqobatchilikka olib keldi. Iste’molchilar bundan faqat yutadi, chunki poligrafiya mahsulotlarini xarid qilish muammosi iste’molchi uchun jiddiy bo’lib turgani yo’q. Bugungi kunda xohlagan poligrafiya mahsulotlarni ko’pgina korxonalar taklif qilmoqda va mahsulotlar assortimenti kundan kunga ko’payib bormoqda.

«Ishonch poligrafiya» korxonasi o’zining dastlabki faoliyat yuritish yillarida oddiy taklifnomalar ishlab chiqarish va sotishdan boshlagan. Yillar davomida u o’zining bozorni egallash uchun strategiyasini o’ylab, uni qo’llab kelmoqda. Korxona o’z mahsulotlarini deyarli barcha turdagi korxona va jismoniy shaxslarga taklif qiladi, bozorda raqobat yuqori bo’lganligi sababli mahsulot asortimentini kengaytirmoqchi va chiqarilishi reja qilingan mahsulotlar sifatini ham oshirmoqchi. Hozirgi vaqtda «Ishonch poligrafiya» korxonasida yangi sifatli mahsulot ishlab chiqarish uchun kapital jalb qilish zarurati paydo bo’ldi. Topshiriq: «Ishonch poligrafiya» korxonasida loyihani amalga oshirish uchun kapital jalb qilish borasidagi mavjud baholash va taxlil qilish asosida uning qaysi kapital turidan foydalanishni tanlash va asoslash kerak.