1-мавзу. МҲхс бўйича молиявий ҳисоботлар Д. М. Маткаримов

Солиштирилувчанлик, Текширилувчанлик, Ўз вақтидалик ва Тушунарлилик “Ахборотнинг фойдалилигини оширувчи” сифат хусусиятлари ҳисобланади

Солиштирилувчанлик

Молиявий ахборот фойдали ва мазмунли бўлиши учун, бир ҳисобот давридаги ахборот бошқа ҳисобот давридагиси билан қиёсланадиган бўлиши керак. Фойдаланувчилар хўжалик юритувчи субъект молиявий ҳисоботни тайёрлашда фойдаланадиган ҳисоб-китоб сиёсатидан, ана шу сиёсатдаги барча ўзгаришлардан ва шундай ўзгаришларнинг натижаларидан хабардор бўлишлари лозим. Бу компания ривожланишининг асосий йўналишларини аниқлаш ва кузатиб бориш имконини беради.

Молиявий ҳисоботнинг сифат тавсифлари

Текширилувчанлик (проверяемость)

Текширилувчанлик фойдаланувчиларни тақдим қилинаётган ахборотнинг иқтисодий ходисаларни ишончли акс эттираётганлигига ишонч ҳосил қилишига ёрдам беради.

Текширилувчанлик турли хил ахборот манбаига эга ва мустақил кузатувчиларнинг келишувга (бир хил хулосага) келишларини назарда тутади.

Текширилувчанлик бевосита ва билвосита бўлиши мумкин. Бевосита текширилувчанлик – қийматни текшириш тўғридан-тўғри кузатиш йўли билан, масалан, нақд пулларни санаш орқали текширишни тазарда тутади. Билвосита текширилувчанлик – олинган қийматларни текшириш формулалар, моделлар ёки бошқа техникалар орқали амалга оширишни назарда тутади.

Молиявий ҳисоботнинг сифат тавсифлари

Ўз вақтидалик

Ўз вақтидалик қарор қабул қилувчи шахсда унинг қарорига таъсир қилувчи ахборотнинг ўз вақтида мавжудлигини билдиради. Маълумки, эскирган ахборот камроқ фойдали ҳисобланади.

Тушунарлилик

Ҳисобот тушунарли бўлиши керак. Фойдаланувчилар молиявий ҳисоботлардан фойдаланиш учун таянч иқтисодий ва молиявий билимларга эга деб қаралади. Бироқ, мураккаб саволларга тааллуқли, фойдаланувчиларни иқтисодий қарорларни қабул қилиши учун ўринли бўлган маълумот, фақат маълум фойдаланувчилар томонидан тушуниш мураккаблиги сабабли чиқариб ташланиши мумкин эмас.