1-mavzu: «Mafkuraviy jarayonlarning tizimli tahlili» fanining maqsad va vazifalari Reja

Iqtisodiy sohada - bozor munosabatlariga asoslangan ko’p ukladli iqtisodiyotni zamonaviy texnologiya asosida rivojlantirib, Respublikmiz xalqining boy va farovon yashashi uchun zarur bo’lgan barcha shart - sharoitlarni yaratib berish. Iste’mol tovarlari ishlab chiqaruvchi, qayta ishlovchi ishlab chiqarishlar va korxonalarni texnika bilan qayta jihozlash, zamonaviylashtirish va rivojlantirish hisobiga sifatli va arzon oziq – ovqat tovarlarini, eng avvalo bolalarga mo’ljallangan tovarlarni mamlakatning o’zida ishlab chiqarishni ko’paytirish, aholiga pulli xizmatlar ko’rsatish sohasini kengaytirish, savdoni tashkil etishni takomillashtirishga qaratilgandir.
Ijtimoiy - siyosiy sohada –zamonaviy demokratik fuqarolar jamiyatini qaror toptirib, inson huquqlarini himoya qiladigan, e’tiqod va fikr erkinligini ta’milaydigan, siyosiy partiyalar, jamoat birlashmalari faoliyatiga keng yo’l ochib beradigan buyuk davlatning barcha huquqiy, ijtimoiy - iqtisodiy, ma’naviy asoslarini yanada takomillashtirib, jahon miqyosida xalqimizga munosib o’rin va mavqega erishish.
Siyosiy partiyalar, jamoatchilik harakatlari, hukumatga qarashli bo’lmagan va jamoat tashkilotlarini mustahkalash va rivojlantirish, ularning siyosiy, iqtisodiy, ma’naviy va jamiyat hayotining boshqa sohalarida munosib o’rinni egallashlariga erishish.
Milliy madaniy markazlarni rivojlantirish, milliy madaniy markazlar va diniy tashkilotlar faollarini fuqarolarni vatanparvarlik va mustaqil demokratik davlat ideallariga sadoqat ruhida tarbiyalash ishiga keng jalb qilish, fuqarolar tinchligi va millatlararo totuvlikni ta’milash.
Madaniy-ma’naviy sohada- milliy qadriyatlarimiz, ma’naviyatimiz, an’analarimizni tiklab, ularni mazmunan boyitish, zamonaviy ta’lim - tarbiya tizimni shakllantirish, xalqimizni, avvalo yosh avlodni vatanparvarlik ruhida tarbiyalab ma’naviy etuk barkamol fidoyi insonlarning bunyodkorlik faoliyatini yanada oshirib, jahon hamjamiyatida nufuzli o’rinni egallash. Tarixiy xaqiqatni tiklashga asoslangan o’zbek xalqi va uning davlatchiligi tarixi bo’yicha ilmiy tadqiqotlarni rivojlantirish, ilg’or tarixiy ma’naviy - axloqiy qadriyatlar va normalar (bayramlar, urf-odatlar, o’yinlar, musobaqalar va boshqalar) ni zamonaviy turmushga joriy etish. O’zbek xalqi va uning davlatchiligi tarixi bo’yicha o’quvchilar va yoshlar uchun ilmiy va ilmiy-ommabop adabiyotlarni yaratish, nashr etish.