1-Мавзу. "Корхоналарни ривожлантириш стратегияси" фанининг

тармоқлари («Иқтисодий география», «Демография», «Иқтисодиёт 
тарихи» ва бошқалар) тизими киради. «Иқтисодиёт» фанининг бу ва 
бошқа йўналишларида чуқур билимга эга бўлиш инсонларнинг 
ижтимоий фаоллигини ошириш, оқилона хўжалик юритиш, 
кадрларни янги иқтисодий фикрлаш руҳида тарбиялашга катта 
туртки бўлади. 
«Иқтисодиёт» фанининг, жумладан, юқорида санаб ўтилган 
йўналишларнинг методологик асоси, уларнинг пойдевори бўлиб 
иқтисодиётга хизмат қилади. У реал воқелик билан боғлиқ бўлиш 

---

17 
баробарида давлатнинг иқтисодий сиёсатини, унинг кучли ва кучсиз 
томонларини, шунингдек, иқтисодий тараққиётга эришиш мумкин 
бўлган йўлларни мос келувчи босқичларида акс эттиради. Бу 
мақсадда «Иқтисодиёт» фани статистик кузатув, гипотезаларни 
илгари суриш ва текшириш, таҳлил ва синтез, индукция ва дедукция, 
иқтисодий жараёнларни моделлаштириш, тажриба (эксперимент)лар 
ўтказиш каби бир қатор воқеликни англаш усул ва услубларини 
ишлаб чиққан ва улардан муваффақиятли равишда фойдаланади. 
Айтиш жоизки, бу усуллар нафақат иқтисодий, балки предмети ва 
тавсифига кўра, табиий ва бошқа турдаги фанларда ҳам қўлланиши 
мумкин. 
Иқтисодиёт бозор муносабатлари йўлида ривожланаётган 
ҳозирги кунда эътиборга молик ва ечимини топмаган муаммолар 
талайгина бўлиб, «Иқтисодиёт» фанига қизиқиш ортиб бормоқда. 
Инсон ҳаёти ва фаолиятига муносиб, сиёсат ва давлат аралашувидан 
холи бўлган, ижтимоий-иқтисодий тараққиётга йўналтирилган 
иқтисодиётни барпо этиш вазифаси қўйилмоқда. П.Самуэльсоннинг 
иқтисодиёт бўйича дарслигида кўрсатиб ўтилишича, “иқтисодиёт 
фанини мунтазам равишда ўрганиб бормайдиган одам мусиқий асарга 
ўзининг баҳосини бермоқчи бўлаётган гаранг кишига ўхшайди”. 
Шу билан бирга «Иқтисодиёт» фани барча ҳаётий муҳим 
саволларга тайёр жавоб бермайди, чунки иқтисодиёт ишлаб чиқариш, 
бошқарув, тартибга солиш, башорат қилиш соҳаси сифатида оддий 
фан тушунчасидан кўра, мураккаброқ категорияни англатади. У 
фақатгина илмий восита бўлиб, иқтисодий воқеликни англаш усули 
хизматини ўтайди. Иқтисодиёт иқтисодий фаннинг ўзига хос синов 

---

18 
майдони, асоссидир. Иқтисодиётнинг ривожланиш тенденциялари ва 
қонунларини илмий жиҳатдан ўрганиш, «Иқтисодиёт» фани ва унинг 
алоҳида тармоқларининг муҳим вазифаси ҳисобланади. 
Моддий ишлаб чиқаришдан ажралган ҳолдаги реал иқтисодиёт 
мавжуд эмас. Моддий ишлаб чиқариш иқтисодиёт ривожланишининг 
асоси, хўжалик фаолиятининг бошланғич нуқтаси бўлиб келган ва 
шундайлигича қолади. Шу сабабли иқтисодиётнинг турли даражадаги 
- корхона, тармоқ ва бутун давлат миқёсидаги ҳолати моддий ишлаб 
чиқаришнинг ютуқлари, жумладан, моддий ишлаб чиқаришнинг кенг 
маънода истеъмолга, ёки бугунги тил билан айтганда бозор талабига 
мос келиши билан тавсифланади ва олдиндан белгилаб берилади. 
“Иқтисодиёт доимо моддийдир” ибораси инсоннинг ҳаётий 
эҳтиёжлари, яъни уй-жой, озиқ-овқат, кийим-кечак, автомобиль ва 
ҳоказоларга бўлган эҳтиёжларидан ташқари, иқтисодиётнинг аҳоли 
ва халқ хўжалиги учун зарур бўлган маҳсулот (товар) тайёрланувчи 
моддий ишлаб чиқариш соҳаси билан алоқасини ҳам акс эттиради. 
Айнан моддий ишлаб чиқариш соҳаси (саноат, қишлоқ хўжалиги, 
қурилиш, транспорт ва ҳоказо) аҳолининг асосий қисмини иш билан 
таъминлайди. Меҳнат билан бандлик кўрсаткичи иқтисодиёт 
ҳолатининг ўзига хос “барометри” вазифасини бажаради: аҳолининг 
меҳнат билан бандлиги қанчалик юқори бўлса, ишсизлик суръати 
шунчалик паст бўлади ва аксинча. 
Замонавий фан-техника тараққиёти ишлаб чиқариш ва 
иқтисодиётнинг узлуксиз ривожланишида компьютерлаштириш ва 
информатизация, интернет тармоғига киришни илгари сурмоқда. Бу 
эса бошқарув тизимининг энг муҳим бўғинларидан ташқари, ишчи 

---

19 
кучининг сифатини ошириш воситаси ҳамда ишлаб чиқариш 
жараёнини муваффақиятли ташкиллаштириш учун туртки бўлиб 
хизмат қилади. 
Бироқ моддий ишлаб чиқаришнинг етакчилик ролини инкор 
қилмаган ҳолда, иқтисодиётнинг ривожланишига ишлаб чиқариш 
инфратузилма (транспорт, алоқа, энергетика ва ахборот хизмати) ва 
ижтимоий инфратузилма (маориф, соғлиқни сақлаш, умумий 
овқатланиш, уй-жой-коммунал хизмати ва бошқалар)нинг ролини ҳам 
кўрсатиб ўтишимиз даркор. Бу соҳаларда ҳам аҳолининг катта қисми 
меҳнат билан банд бўлиб, уларнинг меҳнати моддий ишлаб чиқариш 
ходимлари меҳнатидан кам фойда келтирмайди. Шундан келиб 
чиққан ҳолда айтиш мумкинки, иқтисодиёт - илмий категорияга 
қараганда ишлаб чиқариш категориясига яқинроқ бўлиб, фан-техника 
тараққиёти, ишлаб чиқариш ва ноишлаб чиқариш соҳаларининг ўзаро 
самарали алоқалари, ресурслардан оқилона фойдаланиш ва рационал 
бошқарув туфайли фаолият кўрсатмоқда ва ривожланиб бормоқда. 
Иқтисодиёт доимо динамик бўлиб, сифат ва миқдор 
ўзгаришларига дучор бўлади. Баъзи ҳолларда салбий ҳолатлар 
(масалан, қишлоқ хўжалигида қурғоқчилик, қорамоллар ўлими; уруш, 
терроризм ва ҳоказо) юзага келса ҳам, иқтисодиётда ижобий 
силжишларга эришиш мумкин. Фан-техника тараққиёти, малакали 
кадрлар, хўжалик механизми ва ундан оқилона фойдаланиш, 
изланиш, тадбиркорлик, ташаббускорлик, рағбатлантириш - 
буларнинг барчаси иқтисодиётда ижобий силжишларга эришиш учун 
хизмат қилади. 

---

20 
Бозор 
муносабатларига 
асосланилган 
ҳозирги 
даврда 
иқтисодиётни 
кўтариш 
учун 
бу 
ва 
бошқа 
имкониятлар 
авваллардагидек фақатгина давлатнинг қўлида мужассамланган эмас, 
балки иқтисодиётнинг асосий ишлаб чиқариш бўғинини ташкил 
қилувчи хўжалик юритувчи субъектлар - корхона, фирма, комбинат 
ва бошқа ишлаб чиқариш структураси вакилларига ҳам катта 
имкониятлар берилган. 
Фан тадқиқотлар фаолияти соҳаси бўлиб, асосий мақсад табиат, 
жамият ва фикрлаш тўғрисида янги билимларни ишлаб чиқишга 
йўналтирилади. «Иқтисодиёт» фани умумий фанларнинг таркибий 
қисми бўлиб, унинг ўрни ва аҳамияти тўғрисида аввалги бўлимда 
қисқача тўхталиб ўтилди. Фан ёрдамисиз, атрофимизни ўраб турган 
дунё тўғрисидаги билимлар тизимини яратмасдан жамият 
тараққиётига эришиш мумкин эмас. Илмий ўрганиш воқеликни оддий 
ҳаётий тарзда қабул қилишдан фарқли равишда, ҳодиса ва 
жараёнларни чуқур англаш, ўзаро алоқаларини очиб бериш, уларнинг 
ривожланиш сабаблари ва кучларини аниқлаш имконини беради. 
«Корхоналарни ривожлантириш стратегияси” - аҳоли ва 
иқтисодиёт учун зарур бўлган маҳсулот ишлаб чиқариш, иш бажариш 
ва хизмат кўрсатишнинг ижтимоий-иқтисодий ва маъмурий-хўжалик 
механизмларини ўрганувчи ва очиб берувчи фандир. У табиат ва 
жамиятнинг 
муайян 
ишлаб 
чиқариш 
шароитларида 
ривожланишининг объектив қонунлари намоён бўлиши ва амал 
қилишига, шунингдек, корхоналар фаолиятига бевосита ва билвосита 
таъсир кўрсатувчи давлат миқёсида қабул қилинувчи қоида, норматив 
ва қонун ҳужжатларига таянади. 

---

21 
Ҳозирги кунда корхона иқтисодиётига бўлган қизиқиш 
сезиларли равишда ўсган. Гап шундаки, бозор иқтисодиёти 
шароитида янги ҳуқуқий-ташкилий шаклдаги корхоналар, хом ашё, 
материал ва асбоб-ускуна етказиб берувчилар, шунингдек, бевосита 
маҳсулот ёки товар истеъмолчилари (харидорлар) билан янгича 
иқтисодий муносабатлар вужудга келиб, ривожланиб бормоқда. 
Бундан ташқари, корхона, бу – аввало ишлаб чиқариш жамоаи, 
одамларнинг турли тарздаги фаолияти бўлиб, улар ўртасидаги ўзаро 
муносабатлар тизими юзага келади ҳамда маълум бир турмуш тарзи, 
маънавият ва ахлоқ нормалари шаклланади. Буларнинг барчаси 
хўжалик юритиш шакл ва усулларини қайта кўриб чиқиш, 
корхонанинг иқтисодиёт ривожланишидаги ўрни ва ролига янгича 
ёндашишни талаб қилади. 
Таҳлилларнинг кўрсатишича, исталган корхонанинг фаолиятида 
турлича саволлар юзага келади. Масалан, корхона қай тарзда фаолият 
юритиши керак ва даромад нимага боғлиқ бўлади? Самарадорлик ва 
иқтисодий барқарорлик нималарга боғлиқ? «Хом ашё етказиб 
берувчилар ва истеъмолчилар билан қандай ишлаш керак?» 
«Маҳсулотни сотишда воситачилардан фойдаланиш зарурияти; 
Ишлаб чиқариш суръатини қандай ошириш мумкин?» «Рақобатчилик 
курашида нима ва қандай омиллар муваффақият келтиради?» «Ишлаб 
чиқариш ва сотишни бошқариш тизими қандай бўлиши лозим?» ва 
ҳоказолар. Корхоналар фаолиятида бирон-бир маҳсулотни қачон,