1 Мавзу. Кириш

1.3. 
МАТЕРИАЛШУНОСЛИК НИМА УЧУН КЕРАК ВА МАТЕРИАЛЛАР 
ҚЎЛЛАНИЛИШИ ТЕХНОЛОГИЯСИНИ ЎРГАНИШ НИМА УЧУН ЗАРУР. 
Биз нега материалларни ўрганамиз? Кўпгина олимлар ва мухандислар, машинасозлик 
соҳасида ишловчилар, қурувчилар, кимё ва электротехника саноати ишчилари эртами кечми 
маҳсулот тузилишини тадбиқ қилиш масаласига дуч келадилар. Наъмуна сифатида қуйидаги 
махсулотларни келтириш мумкин узатмали шестерня, қурилишда фойдаланиладиган 
конструкциялар, нефтни қайта ишлаш ускунаси учун деталлар, интеграл чиплар. Албатта
материалшунослик билан шуғилланувчи олим ва мухандислар материалларни ўрганиш 
масаласи ва махсулот тузилиши муаммоларини хал этишда етакчилардан саналадилар.
Кўпгина холларда бозорда мавжуд минглаб материаллардан мосини танлаш масаласи 
туради. Якуний танловни амалга ошириш учун бир қанча мезонлар мавжуд. Хаммадан аввал 
махсулот ишлатилиш шартлари билан танишиб чиқиш лозим, чунки айнан улар материалнинг 
керакли хоссаларини аниқлайдилар. Фақатгина жуда камдан кам холларда кўрсатилган 
талабларга идеал даражада мос келувчи материаллар учрайди. Шунинг учун кўпинча 
материалнинг айрим тавсифлари бошқа нисбатан зарур тавсифларга алмаштирилади. Классик 
мисол – бу пластиклик ва мустахкамлик талабидир. Одатда жуда юқори мустахкамликка эга 
бўлган материаллар пластиклиги етарлича бўлмайди. Бундай холларда икки ёки ундан ортиқ 
зарур хоссаларни танлаш зарур.
Махсулотни ишлатиш жараёнида материалнинг хоссаси нечоғлик пасайишини билиш 
жуда мухим. Масалан, мустахкамликнинг сезиларли пасайиши хароратнинг ошиши ёки ташқи 
таъсир коррозияси оқибати бўлиши мумкин. Ва ниҳоят ҳал қилувчи асос иқтисодий ечимга 
боғлиқ бўлиши мумкин. Якуний махсулотнинг таннархи қандай бўлади? Барча қўйилган 
_____________ 
1. Materials science and engineering (An Introduction)William D, Callister, Jr David G, 
Rethwisch1 БОБ, 1.2 бўлим, 2 бет 

---

талабларга ўзининг хоссаси билан идеал мос келувчи материал топиш мумкин, аммо бу жуда 
қимматга тушади. Бу ерда ҳам яна муайян муросага келиш керак. Якуний махсулотнинг 
нархига фақатгина материал нархи эмас балки тайёр махсулотнинг қолплаш жараёни 
харажатлари хам киришини хисобга олиш зарур. Турли характеристикадаги материаллар 
хоссаси ва тузилишининг боғлиқлиги, махсулот олиш технологияси ва келтирилган 
мезонларга кўра олим ёки мухандиснинг ақиллий ва ишончли равишда материал танлаши 
мақсадга мувофиқдир.