1-мавзу: кириш

Капрон толасининг асосий хусусиятлари. Капрон чексиз узунликдаги ип ва қирқилган штапел тола кўринишида ишлаб чиқарилади. Иплар эса моно ип, комплекс ип бўлиш мумкин. Комплекс ипларда элементар иплар сони ишлаб чиқариладиган ипнинг йўғонлигига боғлиқ (8-60).
Моноипнинг йўғонлиги 1,67-5 текс (№200-600), нисбий пишиқлиги Рн=50 сН/текс, чўзилувчанлиги Е_Н=18-32 фоиз, гигроскопиклиги 4 фоиз, Т=65°C да капрон пишиқлигини йўқота бошлайди. Ишқор таъсирига чидамли, кислотага эса чидамсиз. Камчилиги толаси жуда силлиқ, яхши илашмайди, ишқаланиш кучи кам. Бошқа толалар билан аралаштирилган вақтда силлиқлиги туфайли материал юзасига чиқиб ишқаланиш натижасида пиллинг (тугунчалар) ҳосил бўлади. Ўзига намликни кам тортади.
Айрим камчилигини (силлиқлигини) камайтириш учун толаларни цилиндрик эмас, яъни ҳар хил шаклда ишлаб чиқилади, ялтироқликни камайтириш учун окиститан порошоги кўшилади.