1-мавзу. Кириш. Озиқ – овқат хавфсизлиги муаммосини асосий йўналишлари Мавзу режаси

Халқаро стандартларни ўрнатиш ва озиқ-овқат хом ашёси ва овқатланиш махсулотлари билан савдони енгиллатиш мақсадида қачон ва қандай махсус комиссияси ташкил қилинган?
Овқатланиш махсулотларини кафолатланган хавфсизлигини таъминлаш учун қандай тизим ишлаб чиқилган?
Критик нуқталар бўйича хавфсизликни тахлил қилиш қандай тартибда амалга оширилади?
HACCP тизимида хавфларни бахолаш асосий компонентлари нималар хисобланади?
HACCP тизимида қандай асосий тамойиллар мавжуд?
HACCP тизимида бахолаш жараёни қандай босқичлардан иборат? Ижтимоий мониторинг тизими қандай маълумотларни тахлил қилиш ва умумлаштиришни назарда тутади?
Гигиеник мониторинг нимани ўрганишни назарда тутади?
Хавф (R) қандай ифодаланиши мумкин?
Хавфни аниқлашнинг қандай ёндашувлари мавжуд?


4-МАВЗУ. Ўзбекистон Республикасида озиқ-овқат хавфсизлигини таъминлашнинг хуқуқий асослари


Мавзу режаси:
Ўзбекистон Республикасининг “Озиқ – овқат маҳсулотининг сифати ва хавфсизлиги тўғрисида” ги қонуни.
Ўзбекистон Республикаси Президентининг “Мамлакатнинг озиқ-овқат хавфсизлигини янада таъминлаш чора тадбирлари тўғрисида” ги ПФ 5303 – сонли фармони.
Озиқ-овқат махсулотларини сертификатлаш. Озиқ-овқат махсулотларини экологик сертификатлаш.
1. Ўзбекистон Республикасининг “Озиқ – овқат маҳсулотининг сифати ва хавфсизлиги тўғрисида” ги қонуни
Ўзбекистон республикасининг “озиқ-овқат маҳсулотининг сифати ва хавфсизлиги тўғрисида” 483-i-сон қонуни 1997 йил 30 август қабул қилинган бўлиб 18 моддадан иборат. Ушбу Қонун аҳолини сифатли ва хавфсиз озиқ-овқат маҳсулоти билан таъминлашнинг ҳуқуқий асосларини белгилаб беради. Ушбу Қонуннинг талаблари атир-упа, пардоз-андоз моллари ва тамаки маҳсулотларига ҳам тааллуқлидир.
Ушбу Қонунда қуйидаги асосий тушунчалар қўлланилади:
болаларбоп озиқ-овқат маҳсулотлари — болалар организмининг (уч ёшгача) физиологик хусусиятларига жавоб берадиган махсус озиқ-овқат маҳсулотлари;
санитария-эпидемиологик хулоса — озиқ-овқат маҳсулотининг ва уни тайёрлаш ҳамда ундан фойдаланиш учун мўлжалланган ускуналарнинг санитария қоидаларига, нормаларига ва гигиена нормативларига мувофиқлигини тасдиқловчи ҳужжат;
овқатга қўшиладиган биологик фаол қўшимчалар — озиқ-овқат хом ашёсини қайта ишлаш йўли билан ёки сунъий усулда ҳосил қилинган ҳамда бевосита овқат билан бирга истеъмол қилишга ёки озиқ-овқат маҳсулотлари таркибига қўшишга мўлжалланган табиий ёхуд табиийга айнан ўхшайдиган биологик фаол моддаларнинг концентратлари;