1-mavzu. Kirish. Fanning maqsad va vazifalari. Davlat tili haqidagi qonun va uning ijrosi. Reja

Tayanch so`z va iboralar: davlat tili, rasmiy uslub, hujjatlar tarkibi, hujjatlarning zaruriy qismlari, ish yuritish, til, hujjatlarning o`ziga xos xususiyatlari, e’lon, reklama, nizom, yo`riqnoma, tilning lug`at tarkibi, so`z boyligi, farmoyish hujjatlar.
E’LON

Ma’lumki, bir korxona, muassasa, tashkilotda o`tkaziladigan biror-bir tadbir, yig`ilish, majlis, uchrashuv, kecha, konsert, anjuman, suhbat, ma’ruza, shuningdek o`qishga, ishga, hunar o`rganishga qabul qilish, xizmat turlarini tavsiya etish va boshqa shu kabilardan ishchi-xodimlarni, talabalar va o`quvchilarni, keng aholini xabardor qilish uchun qo`llanadigan yozma hamda og`zaki axborot turi.

E’lonlarni ham mazmuni va vazifasiga ko`ra ikki turga ajratish mumkin. 1. Xizmat e’lonlari. 2. Shaxsiy mavzudagi e’lonlar. Bugungi kunda radio, televideniye, Internet, gazeta, jurnallarni reklama va e’lonlarsiz tasavvur etib bo`lmaydi. Ularda ijtimoiy-ommabop xizmat e’lonlari bilan bir qatorda shaxsiy mazmundagi e’lonlar ham kam emas. E’lon va reklamalar ko`rsatiladigan xizmat, bajariladigan ish, amalga oshiriladigan tadbirlar, sotiladigan, almashtiriladigan mahsulotlar haqida tezkor va muhim ma’lumotlar beribgina qolmasdan, turdosh mahsulotlar ishlab chiqaruvchi yoki xizmat ko`rsatuvchi korxona, tashkilot, muassasalar o`rtasida ijobiy raqobat yuzaga kelishi uchun ham xizmat qiladi. Matbuot sahifalarida beriladigan yoki jamoat joylarida chiqarib quyiladigan e’lonlar mazmunan va hajman turli-tuman bo`lsa-da, ular uchun umumiy bo`lgan zaruriy qismlar mavjud. Ular quyidagilar:

- axborot nomi - e’lon;

- e’lon qilinayotgan tadbirning o`tkazilishi vaqti va joyi;

- tadbir haqida qisqacha ma’lumot;

- e’lon beruvchi tashkilot nomi, manzili, telefoni.