1-мавзу. Ишлаб чиқаришни бошқаришда иқтисодий ахборотларнинг роли, хусусияти ва характерли турлари режа

2.Корхона раҳбарининг бошқарув қарорларини қабул қилиш босқичлари.
Корхона раҳбари бошқарув қарорларини тайёрлаш жараёнида қуйидагиларни бажаради:
А. Директив ахборотларни йиғиш, корхона ҳолати тўғрисидаги ахборот, фан-техника ва ижтимоий ютуқклар тўғрисидаги ахбортларни йиғиш.
Б. Ахборотларни ўзлаштириш, яъни ҳужжатларни ўқиш, хабарларни эшитиш.
В. Ахборотларни қайта ишлаш ва трансформация қилиш, яъни аҳволини баҳолаш, қарор вариантларини ишлаб чиқариш.
Бу вазифаларни бажариш учун ахборотни ўз вақтида етказиш, аниқ, ихчам ва тўлик бажариш ва тез ўзлаштириш зарур.
Бошкарув ечимларини қидириш жараёни схемаси қуйида келтирилган.
1-расм. Бошқарув ечимларини қидириш жараёни схемаси
3.Ахборот ҳажми ва ахборотларни йиғиш. Ахборотларни ўзлаштириш тезлиги ва унинг аҳамияти.
Бошқаришда фақат ахборотгина бошқарув қарори қабул қилишда етарли дейиш нотўғри. Чунки рахбар, нафақат бошқарув қарорини қабул қилиш билан шуғулланади.
Иккинчидан қарар қабул қилиш фақатгина рахбарга боғлик эмас. Ахборот ва қарар қабул қилиш жараёнлари биринчи билан узвий равишда боғлиқ. Шунинг учун ҳам бошқарув қарарини қабул қилишда ахборотларнинг етарли даражада бўлиши муҳимдир. Ахборотлар ҳажми ва уларни йиғиш масаласига алоҳида эътибор бериш керак.
Ахборот ҳажми бу шундай тушунчаки, агар кибернетик тилда айтиладиган бўлса қабул қилинаётган ахборотларнинг ҳар бир элементи билан ўлчанадиган миқдор тушунилади. Ахборот белгиларининг сонига қараб ахборотни автоматлаштирилган тизимлар ёрдамида бошқаришда уларнинг ҳажимлари аниқланади. Ахборотларни йиғишда эса уларни сифатли қилиб жамлаш, рўйхатга олиш, керакли жойга узатиш ва сақлаш тушунилади. Ахборотлар ўзларининг сақлаш даврийлигига қараб вақтинчалик ёки доимий бўлиши мумкин.
Ахборотларни ўзлаштириш тезлиги уларнинг шундай босқичларни босиб ўтиш тизими билан ифодаланадики, бунда уларнинг пайдо бўлиши вақти билан то ундан фойдаланишгача бўлган муддат тушунилади. Ахборотлардан оптимал равишда фойдаланиш, уларнинг шакли, сони, ўз вақтидалиги ва хабарлар билан ифодаланади.