1-мавзу. “Инновацион менежмент” фаннинг предмети, мазмуни ва вазифалари

3-мавзу. Инновацион фаолиятнинг ташкилий шакллари

• Режа

• 3.1.Янги турдаги ташкилотлардаги интеграциялашиш ва ҳар томонлама ривожланиш жараёнлари.
• 3.2. Компаниянинг ҳар томонлама ривожланиши стратегияси.
• 3.3. Инновацион фаолиятни қўллаб-қувватлашнинг янги ташкилий шакллари.
• 3,4, Ўзбекистонда инновацияларни қўллаб-қувватлаш ташкилотларии

• .

• Инновацион ривожланишнинг ўзига хослиги шундан иборатки, у иккита қарама-қарши тенденцияларни ҳисобга олишнинг зарурлигича асосланади: биринчидан, ўзини ўзи ривожлантиришга қодир инновацион ташкилотларнинг вужудга келиши ва иккинчидан, ҳар хил инновацион муассасаларнинг ташкилий бирлашуви ва ташкилотлараро ўзаро кооперациялашувини ташкил этиш даражасига кўпроқ боғлиқ.

• Бир томондан, инновацион жараён – бу ғояни вужудга келишидан тортиб токи ишлаб чиқаришга тадбиқ этилиши, ривожланиши ва ёйилишигача бўлган жараёнларнинг ягона оқимидир. Инновацион тизимнинг фундаментал ғоядан токи бозор муваффақияти (тижоратлаштириш) гача бўлган барча босқичлари ўзаро яқиндан боғланган ва ўзаро бир-бирларини тақозо этувчандир. Шунинг учун инновацион ривожланишнинг самарадорлигини таъминлаш учун босқичларнинг ўзаро мутаносиблигини, жараёнларнинг вақтдаги узлуксизлигини ва ўзаро боғлиқлигини таъминловчи тизимлар биринчи даражали аҳамиятга эгадир. Айниқса, бу тенденциянинг аҳамияти ривожланмаган бозор инфратузилмаси ва бозор механизмларини такомиллашмаганида яққол намоён бўлади. Эътиборли томони шундаки, инновацион жараённинг салмоқли босқичларини ўзида қамраб олган ташкилотлар асосан, юқори технологияларга асосланган йирик трансмиллий корпорациялар ҳиссасига кўпроқ тўғри келади. Масалан, Сиеменс, АйБиЭм, Самсунг, Сони

• Бошқа томондан, илмий билим, кашфиёт, ихтиро ўзининг моҳияти бўйича дискретли (алоҳида қисмлардан ташкил топувчи) ва стохастик (эҳтимолли, тасодифий) дир. Илмий билимни вужудга келиши, уни материаллаштириш ва тижоратлаштириш ўртасида ўзаро алоқадорликнинг йўқлиги кўп сонли тадқиқотлар заруриятини келтириб чиқаради. Шунинг учун бундай нуқтаи-назардан корхона инновацион тадбиркорлик фаолиятининг ИТТКИ (илмий-тадқиқот ва тажриба-конструкторлик ишлари) босқичидан то маркетинг ва сотишларгача бўлган тўлиқ мажмуасини амалга ошириши шарт эмас.

• Инновацион тузилмалар орасидаги чуқур кооперациянинг ташкил этилиши юқорида келтириб ўтилган иккинчи тенденциянинг энг асосий талаби бўлиб ҳисобланади. Инновацион тузилмалараро кооперацияга кўмаклашишнинг кўпдан-кўп тизимларини жаҳон амалиётида икки катта гуруҳга бўлиш урф бўлган. Биринчи гуруҳ – инновацион тузилмаларнинг ўзаро интеграцион фаолиятини тақозо қилувчи ташкилий бирлашмалар (ассоциациялар)дир. Иккинчи гуруҳ – илмий-тадқиқот ва тажриба – конструкторлик ишларига, янгиликларни ишлаб чиқаришга қўллашга, молиялаштиришга, тижоратлаштиришга, кенг ёйишга яқиндан ёрдам кўрсатувчи ва шароит яратиб берувчи мустақил инфратузилмавий ташкилотлар.