1-мавзу: «иионинг жамо¬ат тартибини саќлаш ва жамоат хавфсизлигини таъмин¬лаш фаолияти¬ни бош¬ќариш» ўќув курси¬нинг пред¬мети, вазифаси ва тузилиши

2-§. Ички ишлар органларининг жамоат тартибини сақлаш
ва хавфсизлигини таъминлаш фаолиятини бошқариш фанининг 
предмети ва тузилиши 
 
Жамият ва давлат ҳақидаги фанларда моддий неъматлар ишлаб 
чиқаришнинг ҳар қандай усули ижтимоий алоқа ва муносабатларни 
мустаҳкамлашни, уларнинг тартибга солиниши ва ҳимоя қилинишини 
талаб этиши ёритилган. Уларсиз одамларнинг биргаликдаги ва мақсад-
ли ишлаб чиқариш ҳамда бошқа ижтимоий фаолиятини тасаввур 
қилиб бўлмайди. 
Давлат ва ҳуқуқ пайдо бўлгунича жамоат тартиби урф-одат ва 
анъаналар асосида тартибга солинган. Меҳнат тақсимоти юзага келиши, 
хусусий мулк ва синфлар пайдо бўлиши билан жамоат тартиби ва 
хавфсизлиги ҳуқуқ ва ахлоқ билан тартибга солинадиган ҳамда 
давлат томонидан муҳофаза қилинадиган бўлди. 
Жамоат тартиби одамларнинг иродавий муносабатларидан ташкил 
топади ҳамда ижтимоий фаолият натижаси сифатида уларнинг хатти-
ҳаракатларида намоён бўлади. Сиёсий тизим (давлат, жамоат бирлаш-
малари) жамоат тартибини шакллантиради, ижтимоий хатти-ҳаракат-
лар қоидаларини ўрнатиш, уларнинг ижролари ва уларга риоя этили-
шини таъминлаш орқали ижтимоий муносабатларга фаол таъсир 
кўрсатади. 
Мамлакатда, унинг маъмурий-ҳудудий бирликларида жамоат 
тартибини сақлаш ва хавфсизлигини таъминлаш, биринчи навбатда 
ҳуқуқбузарликларнинг, шу жумладан, жиноятларнинг олдини олишга 
хизмат қилади, қолаверса, содир этилган ҳуқуқбузарликлар учун жавобгар-
лик таъминланади ёки жиноятларнинг фош этилишига имкон беради-
ган маълумотлар тўпланади, шахслар аниқланади, ҳатто ушбу фаолиятни 
амалга оширувчи кучлар томонидан ёки улар иштирокида муайян 
жиноий қилмишлар очилади ёхуд уни содир этган шахслар ушланади. 
Бошқарув назариясига оид адабиётларда бошқарувнинг, шу 
жумладан, ички ишлар органларининг жамоат тартибини сақлаш ва 
хавфсизлигини таъминлаш фаолиятини бошқаришнинг