1-мавзу: «иионинг жамо¬ат тартибини саќлаш ва жамоат хавфсизлигини таъмин¬лаш фаолияти¬ни бош¬ќариш» ўќув курси¬нинг пред¬мети, вазифаси ва тузилиши

Якуний босқич
 
– инқироздан кейинги даврда, жумладан, 
фавқулодда вазият қурбонлари дафн этилаётган вақтда жамоат 
тартиби ва хавфсизлигининг сақланишини ташкил қилиш. 
Ушбу вазифанинг ҳал қилиниши қуйидагиларни ўз ичига 
оладиган махсус бир қатор тадбирларни ўтказишни талаб қилади: 
фавқулодда вазият оқибатлари ва сабаблари ҳақида жамоат фикрини 
ўрганиш; ҳалок бўлганларнинг қариндош-уруғлари ва танишлари, 

---

427 
аҳоли ўртасида, шунингдек, фавқулодда вазият юз берган ёки жабр-
ланганлар ишлаган корхона, муассасаларда тушунтириш ишлари олиб 
бориш; ёлғон миш-мишларнинг олдини олиш; тайёрланаётган ҳамда 
оммавий тартибсизликлар юзага келишига олиб келиши мумкин 
бўлган ҳаракатларни аниқлаш; ғайриижтимоий йўналишга эга бўлган 
шахсларнинг назорат қилинишини кучайтириш, мотам ва дафн 
маросимлари ўтказиладиган, ҳалок бўлганлар эсланадиган вақт ва 
жой, уларда иштирок этадиган одамлар сони ҳақидаги маълумотлар-
ни тўплаш; мотам тадбирлари ўтадиган объектлар, жойни кўздан 
кечириш; куч ва воситаларни жойлаштириш ҳақида қарор қабул 
қилиш; мазкур тадбирларни ўтказиш чоғида вазифаларни ижрочи-
ларга етказиш. 
Мазкур босқичда шахсий таркиб билан унинг ҳаракатлари 
юзасидан тушунтириш ишлари олиб борилади, махсус режаларга 
тузатишлар киритилади, вазият, юз берган воқеаларнинг оқибати, 
кўрилган чоралар ва фаолият натижалари ҳақида якуний ахборот 
тайёрланади ва раҳбариятга юборилади. 
Шундай қилиб, табиий ва техноген хусусиятга эга бўлган 
ҳодисалар оқибатида юзага келадиган вазиятларнинг фавқулодда 
хусусияти ички ишлар органлари фаолиятининг одатдаги режимини 
объектив равишда ўзгартиради ҳамда жамоат тартибини ва хавф-
сизлигини таъминлаш, ҳуқуқбузарликларга қарши кураш борасидаги 
янги функцияларнинг пайдо бўлишига ҳамда ҳар куни бажариладиган 
функцияларининг ҳажми ортишига олиб келади.