1-mavzu. Gidrostatika

1-mavzu.Gidrostatika

Gidravlika va gidropnevmoyuritmalar fanining mazmuni. Suyuqliklar haqida umumiy tushuncha. Suyuqliklarning fizik xossalari. Suyuqlikka ta’sir etuvchi kuchlar.

Reja

1.1 Gidravlika va gidropnevmoyuritmalar fanining mazmuni.

1.2 Suyuqliklar to’g’risida asоsiy tushunchalar.

1.3 Suyuqliklaning fizikaviy xossalari.

1.4 Suyuqlikga tasir etuvchi kuchlar.

1.1 Gidravlika va gidropnevmoyuritmalar fanining mazmuni.

Gidravlika - bu nazariy fan bo’lib, u har xil tabiiy va texnogen sharoitda suyuqlikning mexanik harakati bilan bog’liq masalalarni o’rganadi. Tabiiyki, suyuqlik (va gaz) uzluksiz va ajralmas fizik jism deb qaralib, tutash muhit mexanikasining bir bo’limi sifatida ham qaraladi. Shu sababli ko’pincha gidravlikani suyuqliklar mexanikasi yoki gidromexanika deb ham atashadi.

Suyuqliklarning ochiq va yopiq o’zanlarda harakati, suyuqlikning idish va suyri qattiq jismlar sirtlariga kuch ta’siri masalalarini o’rganish bilan bog’liq ko’plab har xil texnik masalalarni yechish gidromexanika deb ataluvchi keng qamrovli fanni yuzaga keltirdi. Bu fan umumiy holda ikki bo’limga bo’linadi: texnik gidromezanika; suyuqlik va gazlarning nazariy mexanikasi (1.1-rasm).