1-mavzu. Davlat tashkilotlarining harakat xavfsizligi sohasini boshqarishining umumiy tizimi reja

3. Harakat xavfsizligi sohasini boshqaruvi bo‘yicha maxsus vakolatli davlat organlari

O‘zbekiston avtomobil va daryo transporti agentligi:

• 
  yo‘l harakati xavfsizligini ta’minlash bo‘yicha davlat dasturlarini ishlab chiqish va amalga oshirishda ishtirok etadi;
  
• 
  avtomobillarda tashish xavfsizligi sohasidagi me’yoriy-huquqiy hujjatlarni va me’yoriy hujjatlarni ishlab chiqadi;
  
• 
  avtomobil transportida yo‘l harakati xavfsizligi to‘g‘risidagi qonun hujjatlariga rioya etilishi ustidan nazoratni amalga oshiradi.
  

O‘zbekiston avtomobil va daryo transporti agentligi qonun hujjatlariga muvofiq boshqa vakolatlarni ham amalga oshirishi mumkin.
“Avtomobil yo‘llarini qurish va foydalanish” davlat-aksiyadorlik kompaniyasi:

• 
  yo‘l harakati xavfsizligini ta’minlash bo‘yicha davlat dasturlarini ishlab chiqish va amalga oshirishda ishtirok etadi;
  
• 
  umumiy foydalanishdagi avtomobil yo‘llarini loyihalash, qurish, rekonstruksiya qilish, ta’mirlash va saqlashda yo‘l harakati xavfsizligi sohasidagi me’yoriy hujjatlarni ishlab chiqadi;
  
• 
  o‘ziga qarashli avtomobil yo‘llarida transport vositalarining xavfsiz harakatlanishi uchun bu yo‘llarning soz holatda saqlanishini ta’minlaydi;
  
• 
  yo‘l harakati qatnashchilarini yo‘l qoplamasining holati, gidrometeorologik va boshqa sharoitlar to‘g‘risidagi zarur axborotlar bilan ta’minlaydi;
  
• 
  avtomobil yo‘llarida yo‘l harakatini tartibga solish vositalari, tezkor aloqa tizimi qurilishini va mazkur yo‘llarning ushbu vositalar va tizim bilan jihozlanishini amalga oshiradi hamda ularning saqlanishini ta’minlaydi;
  
• 
  avtomobil yo‘llarining harakatlanish uchun xavfli uchastkalarini aniqlaydi va bu uchastkalarda yo‘l harakatini tashkil etishni takomillashtirish bo‘yicha chora-tadbirlarni ko‘radi;
  
• 
  og‘ir vaznli, yirik gabaritli, xavfli va maxsus yuklarni tashuvchi transport vositalarining qatnov yo‘nalishlarini belgilashda ishtirok etadi, shuningdek yo‘l servisi ob’ektlarini joylashtirishga rozilik beradi.
  

“Avtomobil yo‘llarini qurish va foydalanish” davlat-aksiyadorlik kompaniyasi qonun hujjatlariga muvofiq boshqa vakolatlarni ham amalga oshirishi mumkin.

O‘zbekiston Respublikasi Ichki ishlar vazirligining Davlat yo‘l harakati xavfsizligi xizmati:

• 
  yo‘l harakati xavfsizligini ta’minlash bo‘yicha davlat dasturlarini ishlab chiqish va amalga oshirishda ishtirok etadi;
  
• 
  yo‘l harakati xavfsizligi sohasidagi me’yoriy hujjatlarni ishlab chiqadi;
  
• 
  yo‘l harakati qatnashchilarining ushbu Qonunga, Yo‘l harakati qoidalariga hamda boshqa qonun hujjatlarining yo‘l harakati xavfsizligini ta’minlashga oid qismiga rioya etishi ustidan nazoratni amalga oshiradi;
  
• 
  og‘ir vaznli, yirik gabaritli, xavfli va maxsus yuklarni tashuvchi transport vositalarining qatnov yo‘nalishlarini belgilashda ishtirok etadi;
  
• 
  yo‘llarni, temir yo‘llarni kesib o‘tish joylarini, avtomobilga yoqilg‘i quyish shahobchalarini, transport vositalarining konstruksiyalarini qurish, rekonstruksiya qilish loyihalariga rozilik beradi;
  
• 
  foydalanishdagi transport vositalarining texnik holati ustidan nazoratni amalga oshiradi, transport vositalarining majburiy texnik ko‘rigini o‘tkazadi;
  
• 
  yo‘llarning va temir yo‘llarni kesib o‘tish joylarining saqlanishi, ularning yo‘l harakatini tartibga solish vositalari bilan jihozlanishi ustidan nazoratni amalga oshiradi;
  
• 
  yo‘l harakati xavfsizligi sohasidagi me’yoriy hujjatlar talablariga muvofiq bo‘lmagan yo‘llardan va temir yo‘llarni kesib o‘tish joylaridan foydalanishni taqiqlaydi;
  
• 
  transport vositalarining, yo‘l harakati qoidalari buzilishining hamda yo‘l-transport hodisalarining hisobini va ro‘yxatini yuritadi;
  
• 
  transport vositalarini boshqarish huquqini beruvchi guvohnomalar beradi;
  
• 
  qonun hujjatlariga muvofiq o‘zining vakolat doirasiga kiritilgan ma’muriy huquqbuzarliklar to‘g‘risidagi ishlarni ko‘rib chiqadi.
  

O‘zbekiston Respublikasi Ichki ishlar vazirligining Davlat yo‘l harakati xavfsizligi xizmati qonun hujjatlariga muvofiq boshqa vakolatlarni ham amalga oshirishi mumkin.