1– mavzu. Azot kislota ishlab chiqarishning nazariy asoslari. Reja

Юқори босим остида (7-10 атм) суюлтирилган нитрат кислота ишлаб чиқариш технология
Юқори босим остида (7-10 атм) суюлтирилган нитрат кислота ишлаб чиқариш схемаси расмда кўрсатилган.

Расм. 7-10 атм босим остида суюлтирилган нитрат кислота ишлаб чиқариш учун қурилма схемаси

Сув ёки сода эритмаси билан скруббер 1 да ювилган ва асбест ёки картонли қуруқ филтр 2 да филтрлаб тозаланган атмосфера ҳавоси белгиланган босимгача сиқиш учун қувурли компрессор 4 га юборилади, бунда у тахминан 110-120^ОC гача қизийди ва аралаштиргич 10 га боради. Бу ерда у буғлатгич 8 дан келадиган ҳамда мой ва катализатор чангидан тозалаш учун филтр 9 орқали ўтган аммиак билан аралашади. Аралаштиргич 10 да олинган таркибида 10-12% НҲ₃ тутган аммиак-ҳаво аралашмаси контакт жиҳози 11 га юборилади. Контакт жиҳозида аммиакнинг азот(ИИ)-оксидга оксидланиши 900^ОC ҳароратда содир бўлади. Қайноқ нитроза газлари контакт жиҳозидан юттиргич қозон 12 га юборилади, у ерда 400^ОC ҳароратгача совутилади. Сўнгра газ 40-50 ⁰C гача кейинги совутиш учун конденсатор-совутгич 13 га берилади. Конденсатор йўли бўйича нитроза газига ҳаво қўшиб борилади. Бу NО нинг NО₂ га кейинги оксидланишини яхшилайди. Нитроза газларининг конденсаторда оксидланиши тез содир бўлади, бунда NО₂ конденсатсияланадиган сув буғи билан 53-56% ли нитрат кислота ҳосил қилади. Нитрат кислотанинг бу миқдори кислота қурилмасида олинадиган барча кислотанинг 50% гачани ташкил этади. Контакт жиҳозидан нитроза газлари билан чиқадиган платина заррачаларини ажратиш учун конденсаторда ҳосил бўладиган нитрат кислота филтр 14 орқали ўтади ва тарелкали абсорбсия минораси 15 га келиб тушади. Нитроза газлари конденсатор 13 дан абсорбсия минораси 15 нинг қуйи қисмига юборилади ва унда пастдан юқорига қараб ўтади. Абсорбсия минорасининг юқорисидан конденсат берилади, ҳосил бўладиган 60-62% HNО₃ концентрацияли нитрат кислота эса миноранинг пастки қисмидан чиқарилади. Нитрат кислота ҳосил бўлишида колоннада ажраладиган иссиқликни чиқариб олиш учун минора тарелкаларига совуқ сув айланадиган айлана қувурли совутгичлар жойлаштирилган бўлади.

Абсорбсия минораларидан чиқадиган газлар (чиқинди газлар) таркибида 0,15% гача азот оксидлари (NО ва NО₂) бўлади. Бу газлар қиздиргич 7 га, у ерда юттиргич қозондан олинадиган буғ билан қиздирилади, сўнгра улар босимидан фойдаланиш учун кенгайиш трубиналари 3 га юборилади. Бу эса ҳавони сиқиш учун сарфланадиган 40% гача энергияни тежаш имконини беради. Минора 15 дан чиқадиган газларни қиздириш учун юттиргич қозондан кейинги нитроза газларини буғ билан биргаликда ишлатиш мумкин.
Тизимнинг асосий жиҳозлари (конденсатор, абсорбсия миноралари ва бошқалар) хром-никелли пўлатдан тайёрланади. Абсорбсия минораси конструксияси қалпоқли ёки тешикли (елакли) барботаж тарелкали тайёрланади.