1-мавзу. Ахборотлаштирилган ахборот тизимлари таснифи Режа

1-мавзу. Ахборотлаштирилган ахборот тизимлари таснифи
Режа:

1. 
   Тизим тушунчаси ва унинг турли таърифлари.
   
2. 
   Тизим хусусиятлари: ташкилий мураккаблик, мақсадга қаратилганлик, таркиблашганлиги, бўлиниши.
   
3. 
   Ташқи муҳит.
   
4. 
   Тизимлар таснифи.
   
5. 
   Ташкилий тизим, ташкилий тизим турлари.
   
6. 
   Тизим турлари: статик ва динамик, очиқ ва ёпиқ, содда ва мураккаб тизимлар
   

Таянч сўз ва иборалар: тизим, объектлар, хусусият, алоқалар, ахборот тизимларининг сифат жиҳатлари, тизимнинг бўлиниши, тизим таркибига кирувчи элементлар, алоқа ва тескари алоқа, содда ва мураккаб тизимлар, очиқ ва ёпиқ тизимлар, тизимлар таснифи, таснифлаш, автоматлаштирилган ва автоматлаштирилмаган тизим, ташкилий тизим, ташқи муҳит, динамик ва статик тизим.


«1»
Ахборот инфратузилмаси мамлакатдаги барча ахборот истеъмолчи-ларини ахборот билан таъминлаш тизимлари мажмуасидан иборат бўлиб, автоматлаштирилган алоқа тизимлари ва ахборот – ҳисоблаш ресурсларини кенг татбиқ этиш асосида янги ахборот технологияси ва ахборот тизимларидан фойдаланиш имконини беради. Бу эса «Ахборотлар тизимлари» фанини ўқитиш мақсадидир.
Ушбу мақсаддан келиб чиққан ҳолда мазкур фаннинг асосий вазифалари этиб қуйидагилар белгиланади:

• 
  ахборотлаштириш, ахборотлашган жамият, ахборот инфраструкту-расининг таркибини ўрганиш;
  
• 
  ахборот, ахборот технологияси, ахборот тизими ва уларнинг тузилиши, туркумланишини ўрганиш;
  
• 
  ахборот тизимлари эволюцияси билан танишиш;
  
• 
  ахборот тизимларининг ахборот, дастурий ва технологик таъминотларини ўрганиш ва ҳ.к.
  

Ўқув курсининг предмети бўлиб, ахборот тизимларини, автоматлаштирилган ахборот тизимларини жорий қилиш усуллари, техник ва дастурий воситаларнинг назарий асослари ва уларни тегишли соҳаларда тадбиқ қилиш усуллари ҳисобланади.