1. Matnni davom ettiring

Mavzu:Ixtisoslik matnlarini tarjima qilish
1.Ixtisoslikka oid matnlar
2.Ularni tarjima qilish
3.Rezyume va uning tuzilishi
1.Matnni davom ettiring
XXI asr “Texnika va informasion texnologiyalar asri” deb nomlanmoqda. Bugungi kunimizni radio, televidenie, kompyuter va telefonlarsiz tasavvur qilish qiyin. Men o‘zim ko‘pincha radio eshitishga qiziqaman..
Bu siz uchun qiziq:
Ma’lum bo‘lishicha, Filippin dengizidagi Yaponiyga darashli Okinava orolida 100 yoshni qoralagan qariyb 500 nafar qariya yashaydi. Ta’kidlash joiz, bu nisbat, ya’ni 100 ming kishiga 35 nafar uzoq umr ko‘ruvchining to‘g‘ri kelishi dunyodagi eng yuqori ko‘rsatkichdir. Eng muhimi, orolning yoshi ulug‘lari bir asr umr ko‘rgan bolsalar-da, o‘zlarini ancha yosh his qiladilar. Zero, bu yerga tashrif buyurgan kishi orolning har yerida 100 dan oshgan, biroq nafaqaga chiqishni xayoliga ham keltirmaydigan, motoroller yoki velosipedni dadil boshqarib borayotgan, yugurish, sharq yakkakurashlari yoki raqs to‘garaklariga qatnab yurgan, shuningdek, tomorqada ishlayotgan bobolar-u momolarga ko‘zi tushadi. Yaqinda okinavalik 96 yashar Saykichi Uxara o‘ziga xos boks bellashuvida mamlakat chempioni, 30 yoshli bokschini mag‘lubiyatga uchratganiga nima deysiz? Taxminlarga ko‘ra, mahalliy aholining bu darajada umr ko‘rishiga orolning kalsiy ionlariga boy buloq suvlari yordam bermoqda. Bundan tashqari, olimlar, qariyalar bunday natijalarga sog‘lom turmush tarzi, xususan, ovqatlanish va jismoniy yuklamalarni to‘g‘ri taqsimlash qoidalariga rioya qilishlari tufayli erishayotganlarini ta’kidlamoqdalar..
Topshiriq: Yuqoridagi matn mazmuni bilan tanishib chiqqan holda o’z ixtisosligingiz bo’yicha qiziqarli faktlar, g’aroyib ixtirolar aks etgan matn tuzishga harakat qiling.
GRAMMATIKA. Rezyume. Маtn mazmunining qisqacha bayoni (резюме), uning tuzilishi va ifoda materialining xususiyatlari. Rezyume - fransuzcha so‘z bo‘lib, yozilgan, aytilgan yoki o‘qilgan narsaning qisqa holatda aks ettirish, qisqacha xulosa, biror narsaning yakuniy natijasi. Rezyume fransuzcha “résumé” so'zidan kelib chiqqan va sodda qilib aytganda qisqacha izoh ma’nosini bildiradi.
Rezyume ishga topshirayotgan inson to'g'risida ma’lumotni taqdim etadi, ya’ni uning ismi, ma’lumot darajasi, ish tajribasi, qizishlari va hokazo.
Rezyume hozirgi kunda ish qidirishda eng muhim hujjat hisoblanadi.O'zbek tilida bunday hujjat “tarjimai hol” va “shaxsiy ma’lumotnoma” deb ham atalishi mumkin, lekin rezyumening shakli bu hujjatlardan biroz farqlidir. Rezyume asosan ish izlovchilar tomonidan ishga topshirayotganda yuboriladigan hujjat hisoblanadi, lekin u boshqa maqsadlarda ham ishlatilishi mumkin. Masalan, tashkilot direktori yoki loyiha menejerining rezyumesi grant taklifi bilan birgalikda donor tashkilotga topshiriladi.
Rezyumening asosiy qismlari quyidagilardan iborat:
1. Shaxsiy ma’lumot
a. Ism-sharif (talab qilinadi)
b. Murojaat manzillari: telefon, email, yashash joyi (talab qilinadi)
c. Jins (majburiy emas)
d. Millat (majburiy emas)
e. Tug'ilgan sana (majburiy emas)
2. Qisqacha mazmun va/yoki professional maqsad (ixtiyoriy)
a. Bir yoki ikki gap bilan qisqacha eng muhim jihatlarini sanab o'tish.