1. matlab да уч ўлчовли графиклар

MATLAB тизимидa уч ўлчовли графиклар яратиш

Режа:
1.MATLAB да уч ўлчовли графиклар.

2.MATLAB да махсус графиклар яратиш, функциялар графиклари ва сиртларини яратиш.
1.MATLAB да уч ўлчовли графиклар. MATLAB нинг график имкониятлари ҳақида гапирганда (3-D) уч ўлчовли графика ҳақида алоҳида гапириш лозим. Чунки, уч ўлчовли графика икки ўлчовли графикага нисбаттан мураккаброқдир, лекин реал масалаларда кўпроқ қўлланилади.
Айнан уч ўлчовли специфик бўлган буйруқларни кўриб чиқайлик.
Plot3 – икки ўлчовли графикадаги plot буйруғига ўхшашдир. Уч ўлчовли фазода чизиқлар ва нуқталарни чизади. Координаталар х, у, z векторлар билан берилади ва бу векторлар бир хил узунликка эга бўлишлари зарур. Масалан, ушбу
t=0:pi/50:10*pi;
plot3(sin(t), cos(t), t)
axis square; grid on
дастур cheliks фигурасини чизади.
Мesh – бу буйруқ уч ўлчовли «тор» ни чизади;
surf – бу буйруқ рангланган уч ўлчовли сиртни чизади;
fill3 – уч ўлчовли тўлдирилган кўпбурчакларни чизади;
Уч ўлчовли графика буйруқларини ишлатишга мисол келтирамиз. Фараз қилайлик, z=f(x,y) икки ўзгарувчили функция графигини ясаш керак бўлсин. Бу шуни бажаришда биринчи қадам берилган z=f(x,y) функциянинг аниқланиш соҳасида такрорланган сатрлар ва устунлардан ташкил топган Х ва У матрицаларни яратишдан иборат бўлади. Кейин бу матрицаларни ҳисоблаш ўтказиш ва функция графигини чизишда ишлатиш мумкин.
Meshgrid функцияси иккита х ва у векторлар билан кўрсатилган соҳани Х ва У матрицаларга айлантиради. Кейин бу матрицаларни икки ўзгарувчили функцияни ҳисоблашда ишлатиш мумкин. Х матрица сатрлари «х» вектор нусхалардир, У матрица устунлари эса «у» вектор нусхалардир.
Meshgrid буйруғидан фойдаланишни намойиш этиш мақсадида sin(r)/r ёки sinc функциясини кўриб чиқамиз. «х» учун ҳам, «у» учун ҳам бўлган [-8;8] соҳада бу функция қийматларини ҳисоблаш учун Meshgrid функциясига фақат битта вектор – аргументни узатиш керак ва кейин бу вектор иккала йўналишда ҳам ишлатилади: (функциянинг аниқланиш соҳаси тўғрисида гап кетаяпти, )
[x,y]= meshgrid (-8:.5:8);
Р=sqrt(x.^2+y.^2)+eps;
Р матрицаси координаталар боши бўлган матрица марказидан бўлган масофани сақлайди. eps қийматни қўшишдан мақсад(келгуси қадам) нолга бўлишнинг олдини олишдир,
Sinc функциянинг шаклланиши ва Z нинг тўғри графигини тузиш уч ўлчовли сиртга олиб келади:
Z=sin(R)./R;
Mesh(Z)