1-маъруза: Меҳнат муҳофазаси ва техника хавфсизлиги” таълим йўналишининг дтс, малака талаблари

1.3.Меҳнат муҳофазаси ва техника хавфсизлиги таълим йўналиши бўйича бакалаврлар касбий фаолиятларининг тавсифи ва бакалаврлар касбий фаолиятининг соҳалари
5640200 –Меҳнат муҳофазаси ва техника хавфсизлиги таълим йўналиши бўйича бакалаврлар тайёрлаш кундузги ва сиртқи таълим шаклларида амалга оширилади. Барча таълим шакллари бўйича ўқитиш кредит-модуль тизими асосида ташкил қилинади. Кундузги таълимда бакалавриат дастурининг меъёрий муддати 4 йил.
Меҳнат муҳофазаси ва техника хавфсизлиги таълим соҳасининг бакалаврлар касбий фаолияти - ҳаётий фаолиятда инсон хавфсизлигини таъминлаш, инсон ҳаёти ва фаолияти учун қулай техносферани (инсон томонидан шакллантирилган муҳит) шакллантириш, атроф муҳитга техноген таъсирларни минималлаштириш, замонавий техник воситалардан, назорат усулларидан ва прогнозлардан оқилона фойдаланиш ҳисобига инсон ҳаёти ва соғлиғини асраш, замонавий техник воситалардан хавфсиз фойдаланишликни билиш масалаларини қамраб олади:

• 
  ишлаб чиқаришда мехнат хавфсизлигига оид қонун, қоида, низом ва бошқа меъёрий ҳужжатларни ўрганиш;
  
• 
  ишлаб чиқаришда меҳнат хавфсизлигини таъминлашга йўналтирилган методлар ва воситалар билан боғлиқ комплекс масалалар;
  
• 
  ишлаб чиқаришдаги хавфларни тизимий ўрганиш ва бартараф қилиш;
  
• 
  замонавий техникалардан фойдаланишнинг хавфсиз усулларини ўзлаштириш;
  
• 
  иш ўринларида оптимал шароитларни яратиш;
  
• 
  хавфсизликни таъминловчи техник воситаларни лойиҳалаш;
  
• 
  ишлаб чиқариш жараёнларини атроф муҳитга салбий таъсирини камайтириш;
  

Ўзбекистон Республикаси Давлат бошқаруви органлари, Ўзбекистон Республикаси Вазирлар Маҳкамаси қошидаги ташкилотлар, Ўзбекистон Республикаси Қишлоқ ва сув хўжалиги вазирларива уларнинг тасарруфидаги ташкилотлар: ҳавза ва тизим бошқармалари; насос станциялари, Давлат унитар корхоналари, лойиҳа ва илмий-тадқиқот институтлари; Республика аҳоли бандлиги ва меҳнатни муҳофаза қилиш илмий маркази, насос агрегатлари ишлаб чиқарувчи “Сувмаш” АЖ, “Тошкент қишлоқ хўжалик техникалари заводи” АЖ, “Агрегат заводи” АЖ ва бошқалар, Ўзбекистон Республикаси Фанлар академияси илмий-тадқиқот институтлари, сув истеъмолчилари уюшмалари ва фермер хўжаликлари, мулкчилик шаклидан қатъи назар турли хил шаклдаги мулк, саноат ва бизнес ташкилотлари ва бошқаларда касбий фаолият юритиш.
Мутахассислик бўйича фан, техника ва технологияларнинг замонавий ютуқлари, кадрлар буюртмачилари талабларидан келиб чиққан ҳолда бакалаврларнинг касбий фаолият объектларида қўшимча ва ўзгаришлар бўлиши мумкин.