1-Ma’ruza: mavzu: qatlamlar va quduqlarni tadqiq qilish to‘G‘risida umumiy ma’lumotlar

1.2-rasm. Gaz yig‘ish punktiga ulangan quduq og‘zining uskunasi.
1 – kirish yo‘llari bloki; 2 – nazorat o‘lchovi liniyasi; 3 – nazorat separatori;
4 – o‘lchash uzeli; 5 – 1 bosqich separatori; 6 – ajratish sig‘imi;
7 – mash’ala liniyasi; 8 – issiqlik rejimini tartiblagich; 9 – issiqlik almashtirgich; 10 – boshqariladigan shtuser; 11 - II -bosqich separatori.
Biroq gaz o‘zatgich quvuriga gaz chiqarib tadqiqot o‘tkazilganda qatlam va quduq og‘zi (separatordan so‘ng) bosimlari oralig‘idagi farq gazning qatlamda quduq tubigacha va quduq stvoli bo‘ylab harakatida, shuningdek, barcha 5-6 rejimda separatorda yuz beradigan bosimning yo‘qolishi o‘rnini to‘ldirishi kerak. Bu hol tadqiqotlar metodikasida ham nazarda tutilgan. Ayrim hollarda, ya’ni quduqlar past bosimli qatlamlarni ochganida va barcha konlarda ularni ishlatishining yakuniy bosqichida gaz uzatgich quvurlariga gaz chiqarish yo‘li bilan tadqiqot o‘tkazishda ma’lum qiyinchiliklarga duch kelinadi. Bu xol gaz uzatgich quvuridagi bosim bilan separatordan keyingi quduq og‘zidagi bosim o‘rtasidagi farq katta bo‘lmaganda tadqiqotlar rejimlari sonini cheklaydi. Gaz yig‘ish punktiga ulangan quduqlarni jihozlashning umumiy sxemasida quduq og‘zi bosimining o‘zgarish diapozonini ta’minlash maqsadida atmosferaga gaz chiqarib tadqiqotlar o‘tkazish uchun mash’alali liniya ko‘zda tutilgan.