1-ma’ruza Mavzu: Biotexnologik tadqiqot usullari fanining predmeti,vazifasi va ahamiyati Reja

Asosiy adabiyotlar
1. Mirxamidova P. Zikriyayev A) Biologik kimyo va molekulyar biologiya Toshkent-2013 yil, “Navro’z” nashriyoti.
2. Artikova R., Murodova S., Qishloq xo‘jalik biotexnologiyasi. Darslik. Toshkent, 2010 yil, “Fan va texnologiya” nashriyoti.
3. Davranov Q.D), Alikulov B)S. “Nanobiotexnologiya” Darslik. Toshkent Lesson press nashriyoti-2019 y.
Biotexnologiya – bu tirik organizmlar (bakteriya, achitqi, hayvon yoki o’simlik hujayralari kulturasi), ularning tizimi yoki xayot faoliyati mahsulotlarini texnologik vazifalarni echish uchun qo’llash imkoniyatlarini, hamda inson ehtiyojlarini qondirishga qaratilgan hususiyatlarga ega bo’lgan organizmlarni yaratish imkoniyatlarini o’rganadigan fandir.
Boshqacha aytganda, biotexnologiya – bu biologik jarayonlarni texnika va ishlab chiqarishda qo’llashga aytiladi.
Biotexnologiya nomi yunoncha so’zlarning qo’shilishidan kelib chiqqan bo’lib, «bios» – xayot, «teken» – san‘at, «logos» – so’z, o’rganish ma‘nolarini anglatadi.
Biotexnologiya yordamida nisbatan arzon, qulay va qayta qo’llasa bo’ladigan mahsulotlardan turli xil modda va birikmalarni olish mumkin.Bugungi kunda biotexnologiya – bu fan, ishlab chiqarish va ko’p millionli biznesdir.