1-Ma’ruza mashg’uloti. Mavzu: Kirish. C++ dasturlash tili. Reja

Berilganlar turlari va о‘zgaruvchilar

Programma bajarilishi paytida qandaydir berilganlarni saqlab turish uchun о‘zgaruvchilar va о‘zgarmaslardan foydalaniladi. О‘zgaruvchi - programma obyekti bо‘lib, xotiradagi bir nechta yacheyka-larni egallaydi va berilganlarni saqlash uchun xizmat qiladi. О‘zgaruvchi nomga, о‘lchamga va boshqa atributlarga - kо‘rinish sohasi, amal qilish vaqti va boshqa xususiyatlarga ega bо‘ladi. О‘zgaruvchilarni ishlatish uchun ular albatta e’lon qilinishi kerak. E’lon natijasida о‘zgaruvchi uchun xotiradan qandaydir soha zahiralanadi, soha о‘lchami esa о‘zgaruvchining konkret turiga bog‘liq bо‘ladi. Shuni qayd etish zarurki, bitta turga turli apparat platformalarda turlicha joy ajratilishi mumkin.

О‘zgaruvchi e’loni uning turini aniqlovchi kalit sо‘zi bilan boshlanadi va ‘=’ belgisi orqali boshlang‘ich qiymat beriladi (shart emas). Bitta kalit sо‘z bilan bir nechta о‘zgaruvchilarni e’lon qilish mumkin. Buning uchun о‘zgaruvchilar bir-biridan ‘,’ belgisi bilan ajratiladi. E’lonlar ‘;’ belgisi bilan tugaydi. О‘zgaruvchi nomi 255 belgidan oshmasligi kerak.