1-ma’ruza. Kirish. Kompyuter tarmoqlarining tarixi

Kompyuter tarmog'i qanday ishlaydi?

• Kommutatorlar, routerlar va ulanish nuqtalari kabi maxsus qurilmalar kompyuter tarmoqlarining asosini tashkil qiladi.
• Kommutatorlar uylarda yoki tashkilotlarda kompyuterlar, printerlar, serverlar va boshqa qurilmalarni ichki tarmoqqa xavfsiz ulash imkonini beradi.
• Ulanish nuqtalari – bu qurilmalarni tarmoqqa simsiz ulash imkonini beruvchi kommutator hisoblanadi.

• Routerlar tarmoqlarni boshqa tarmoqlar bilan ulash uchun xizmat qiladi va dispecher vazifasini bajaradi. Ular tarmoq orqali yuboriladigan ma'lumotlarni tahlil qilib, uning uchun eng yaxshi marshrutlarni tanlab, tanlangan yo'l bo’ylab yuboradi. Routerlar sizning uyingiz va biznesingizni dunyo bilan bog'laydi va ma'lumotlarni tashqi xavfsizlik tahdidlaridan himoya qilishga yordam beradi.

• Kommutatorlar va marshrutizatorlar bir -biridan farq qiladi, asosiy farq, ular oxirgi qurilmalarni qanday aniqlashida. 2-sath kommutatori quilmalarni uning “o’rnatilgan” MAC-manzili orqali aniqlaydi. 3-sath marshrutizatorlari esa o’z navbatida qurilmalarni unga berilgan IP-manzili bo’yicha aniqlaydi.

• Paketni qayta ishlash tizimlari
• Avvalo kompyuter tarmoqlarining kompyuter ildiziga murojaat qilaylik. 1950 yillarning dastlabki kompyuterlari - katta, qo’pol va qimmat bo’lib, juda kam sonli foydalanuvchilar uchun mo'ljallangan edi. Ko'pincha bu qurilmalar butun binolarni egallab olishgan. Bunday kompyuterlar foydalanuvchilarning interfaol ishlashi uchun mo'ljallanmagan, paketlarni qayta ishlash rejimida ishlatilgan.