1-Маъруза кириш. Фойдали қазилмаларнинг биотехнологияси ҳАҚида

1-расм. Мис-рухли рудаларни бактериал танлаб эритиш жараёнларини қўллаб комбинерланган қайта ишлаш технологияси
Қийин бойитилувчи мис-рухли саноат маҳсулотини алоҳидаги босқичга чиқариб, уни бактериал танлаб эритиш жараёнини қўллаб қайта ишлаш, асосий бойитиш схемасига тушадиган ортиқча юкламани камайишига олиб келади ва техник рух купоросига кетадиган сарфини камайтиради.
2. Ажратиб олинган мис-рухли саноат маҳсулотини алоҳида босқичда селктив қайта ишлашнинг энг самарали ва экологик тоза усули бу чанларда бактериал танлаб эритиш технологиясидир. Бактериал танлаб эритиш жараёнида, минералларнинг электрокимёвий хусусиятлари, бўтанадаги оксидланиш шароитлари ва минералларнинг электрон тузилишининг фарқи ҳисобига, биринчи навбатда сфалерит минерали оксидланади, сўнгра халькопирит минерали ва энг оҳирги навбатда пирит минерали ва бунинг натижасида жараённинг юқори селективлиги таъминланади. Комбинерланган схемани қўлланилишини, мис-рухли саноат маҳсулотини қайта тозалаш босқичида ҳосил бўлган чиқиндиларни (хвост) бактериал танлаб эритиш жараёни мисолида кўриб чиқамиза. Жараён учун бойитиш фабрикасининг айланма сувлари (рН 10,9) қўлланилган. Танлаб эритишдаги К:С нисбати 1:5-1:4 ни ташкил этган. Дастлабки бўтананинг pH кўрсатгичиси 1,5-1,8, темирнинг концентрацияси 0,4-8,0 г/дм³, бўтананинг оксидланиш-тикланиш потенциали (ОТП) 0,60 -0,70 В, тирик хужайраларнинг концентрацияси 10⁹-10¹⁰ кл/мл, ҳарорат 27-30 ^оС. Келтирилган кўрсатгичларда олиб борилган бактериал танлаб эритиш жараёни натижасида рухни эритмага ажратиб олиш даражаси 80,0 – 85,0 % ташкил этади. Мис-рухли саноат маҳсулотини бактериал танлаб эритиш жараёнининг суюқ фазаси, таркибида 22-25 г/л рух, 0,5 -1,0 г/л мис, 8-12 г/л темир оксидини сақловчи рух купороси эритмасидир. Рух купоросининг бактериал эритмаси тўғридан-тўғри ёки таркибидан мис ва темир ионлари тозалангандан сўнг флотацион жараёнларга қўшилиши мумкин.
Мис-рухли саноат маҳсулотини чанларда бактериал танлаб эритиш натижасида флотация жараёнида реагент сифатида қўлланиладиган рух купороси эритмасини олишнинг биогидрометаллургик технологиясининг технологик схемаси куйидаги босқичларни ўз ичига олади (2-расм):
1.Чанларда бактериал танлаб эритиш;
2.Фильтрлаш. Бу босқичда таркибида 2,5-3,5% рух ва 0,6-0,8% мис бўлган кек нейтраллаш жараёнига юборилади, фильтрат эса темирни чўктириш жараёнига.
3. Кекни оҳак ёрдамида нейтраллаш.
4. Темир ионларини фильтратдан оҳак ёрдамида чўктириш.
5. Темирни чўктиришдан сўнг бўтанани фильтрлаш. Фильтрлашда ҳосил бўлган кек гидрокисдлардан ва темир сульфатидан ташкил топган, фильтрат эса мисни цементациялаш жараёнига юборилади.
6. Мисни рух кукини билан цементациялаш.
7. Фильтрование пульпы цементации.
Цементация бўтанасини фильтрлаш. Кек цемент мис бўлганлиги учун фабриканинг мис бойитмасига қўшилади. Фильтрат тайёр рух купороси эритмасидир ва флотацион реагент сифатида қўлланилиши мумкин.
.