9.2. Softswitch ни эталон архитектураси
IPCC (International Packet Communication Consortium) консорциуми ишлаб чиққан Softswitch ни эталон архитектурасига мувофиқ унда 9.2 – расмда берилган тўртта функционал текисликлар кўзда тутилган:
транспорт;
чақирувларга хизмат кўрсатишни ва сигнализацияни бошқариш;
хизматлар ва иловалар;
Эксплуатацион бошқариш.
9.2 - расм. Softswitch ни эталон архитектураси
Транспорт текислиги. Транспорт текислиги (Transport Plane) алоқа тармо-ғи бўйича хабарни транспортировкасига жавоб беради. Бу хабарлар сигнализа-ция хабарлари, ахборотни ёки тўғридан тўғри фойдаланувчининг нутқини ва маълумотларини узатиш трактини ташкил қилиш учун маршрутлаш хабари бў-лиши мумкин. Бу текислик қагида жойлашган хабарни олиб ўтувчи физик дара-жа хоҳлаган технологияга асосланиши мумкин, у шу турдаги трафикани олиб ўтиш учун ўтказувчан қобилиятига талабларига мос тушади. Транспорт текис-лиги IP-телефония тармоғига бошқа тармоқлар ёки терминаллар томонидан тушаётган сигнал ва/ёки фойдаланувчининг ахбороти киришини ҳам таъмин-лайди. Қоидага кўра, транспорт текислиги функцияларини ва қурилмаларини чақирувларга хизмат кўрсатишни ва сигнализацияни бошқариш текислик функциялари бошқаради. Транспорт текислигини ўзи учта доменга бўлинади:
IP протоколи бўйича транспортировка домени;
ўзароҳамкорлик домени;
IP дан фарқли кириш домени.
IP протоколи бўйича транспортировка домени (IP transport domain) магистрал тармоқни ва IP-телефония орқали пакетларни транспортировка учун маршрутлашни қувватлайди. Бу доменга коммутаторлар, маршрутизаторлар, ҳамда хизмат кўрсатиш сифатини таъминловчи воситалар (QoS) каби қурилмалар тегишли.
Ўзароҳамкорлик домени (Interworking Domain) ташқи тармоқ томонидан тушаётган сигнал ёки фойдаланувчининг ахборотини IP-телефония тармоғи бўйича узатишга яроқли кўринишга ўзгартирувчи, ҳамда тескари ўзгартиришни бажарувчи қурилмаларни ўз ичига олади. Бу доменга ҳар хил транспорт даражалари орасида сигнал ахборотини ўзгартиришни таъминловчи сигнализация шлюзлари (Signaling Gateways); ҳар хил транспорт тармоқлари ва/ёки ҳар хил турдаги мультимедиали маълумотлар орасида фойдаланувчи-нинг ахборотини ўзгартириш функциясини бажарувчи транспорт шлюзлари, ёки медиашлюзлар (Media Gateways); битта транспорт даражада ҳар хил сигна-лизация протоколларини ўзароҳамкорликгини таъминловчи ўзароҳамкорлик шлюзлари (Interworking Gateways) каби қурилмалар кирадилар.
IP дан фарқли кириш домени (Non-IP Access Domain), ҳар хил IP-зид терминалларни IP-телефония тармоғига кириш имкониятини ташкил қилиш учун белгиланган. У муассаса АТСни, аналогли кабелли модемларини, xDSL линияларини улаш учун Access Gateways шлюзларидан; GSM/3G стандарти радио киришли мобил тармоғи учун транспорт шлюзларидан; шунингдек интегралланган абонент кириш қурилмаси IAD (Integrated Access Devices) ва бошқа кириш қурилмаларидан ташкил топган. IP-терминаллар Access Gateway иштирокисиз IP протоколи бўйича тўғридан тўғри транспортировка доменига уланади.
Do'stlaringiz bilan baham: |